حدوتة ستدهشك في علاج عناد طفلك

طفلك عنيد وتجدين صعوبة فى التعامل معه فلما لا تجربى تعديل سلوكه من خلال الحواديت ودعمه نفسيا أكدت مى عبد الهادى صاحبة أستشارى علم النفس التربوى وصاحبة مبادرة «حدوته بأسم طفلك» لتعديل السلوك من خلال الحواديت أن العند عند الأطفال يبدأ بسن مبكر ولكن تحت مفهوم أخر (الاستقلالية).. وذلك من عمر العامين فيجب على الأم أن تتفهم طبيعة المرحلة العمرية اولا وهي رغبة الطفل في ان يشعر بأنه مستقل وتعطي له مساحة بسيطة من الحرية حتى لا تتحول رغبته في الاستقلالية إلى عناد..

لفتت أنه يجب على الأم إعطاء الطفل الفرصة في ان يخطأ حتى يتعلم وقبول اعتذار الطفل سريعا يساعده بعد ذلك في الاعتراف باخطاءه وابداء التعاطف مع الطفل عند وقوعه في مشكلة وتقليل من التأنيب الدائم..

اقرئي أيضًا : نظام غذائي يناسب طفلك في عامه الأول

تقدم مى حدوته لكل ام لمعالجة عناد طفلها فلما لا تفكرى فى تجربة تلك الطريقة إليك الحدوته..

لسماع الحدوتة اضغط هنا :

"كان يا ماكان ياسادة ياكرام ومايحلا الكلام الا بذكر النبي عليه الصلاة والسلام ونقرأ على عيسى وموسى السلام
كان فيه ولد جميل اسمه إياد طيب وحنون وذكي بس عيبه الوحيد كان العناد.. إياد كان كتير الكلام ميعرفش السكات كل ما مامته تقوله حاجة لازم يقاوح ويناقش في كل الحاجات.. وفي كل الأوقات.. وهما رايحين النادي وهو رايح المدرسة وهما خارجين حتى لو في البيت قاعدين ولما يجي ميعاد النوم يقولها مش عاوز انام.. النوم مش عاوز يجي في عنيا خليني يامامتي كمان شوية ولما يقوم من النوم يقولها لسة عاوز انام ملحقتش انام وطول اليوم اسئلة كتير كتير طبعا احيانا الاسئلة بتكون مهمة ومنها بنستفاد بس زيادة عن اللزوم بتكون مقاوحة وعناد تزعّل مامتنا.. إياد كان له صاحب اسمه مراد دايما يحب يلعب معاه كان مرادبيسمع الكلام.. إياد بيحب مراد جدا بس مش قادر يفهم انه في وقت لازم يروح بيته فيه بعد كل مرة يلعب معاه يبدأ في الزن والتطيط والعياط.. محلقناش نلعب الوقت بيعدي بسرعة انا مستغرب خلي مراد يبات قولي لمامته.. مامته تقوله مينفعش يااياد لازم يروح علشان مامته متضايقش... إياد يبدأ تاني كالعادة في العياط ولما يخرجوا وبعد يوم طويل من اللعب ولما مامته تقوله خلاص يا إياد جاه المعاد يلا نروح يقولها هو انا لحقت العب مش معقول أبدا كدة ويتكلم مع مامته وباباه بطريقة مش حلوة خالص وعاوز كل يوم لعبة جديدة وتاني يوم يقول بقيت قديمة لحد ما في يوم من الأيام كانت مامته مخرجاه وهو شبط يدخل محل الألعاب مامته تقوله عيب يااياد لسة جايبين لعبة الأسبوع اللي فات يعيط ويزن ويشد مامته من ايديها ويتحايل عليها ويقولها طيب هتفرج بس.. ارجوكي يامامتي ويعيط ويعيط.. وكل الناس عليه تبص.. مامته اتكسفت جدا وقالت له ميصحش كدة يا إياد أنت بتزعلني منك وبتخليني اندم اني خرجتك وفسحتك.. إياد كالعادة شبطان في الالعاب وعياط عياط عياط.. مامته اضطريت تجيبله اللعبة بس مش لانه عيط لا علشان قررت تعلمه درس مهم.. وقالت له خلاص انت اخترت.. وبنفسك قولت كل اللعب اللي في البيت بقيت قديمة ومش عاوزه.. ها يااياد متأكد..؟ عاوزة اسمع رد... لكن اياد مش مركز غير في اللعبة الجديدة وجاوب من غير مايفكر قال.. اه ياماما مش عاوزاها خلاص
اياد روح وفضل يلعب باللعبة وفي الاخر نام.. مامته جمعت كل الألعاب وشايلتها وسابت اللعبة الجديدة..
إياد قام من النوم تاني يوم وفضل يدور على الالعاب تحت سريره وورا الباب.. ويقول لنفسه طيب يمكن في الدولاب ويدور ويدور ويدور من غير فايدة مش لاقي الالعاب راح إمامته قالها بطريقة عصبية فين الالعاب مامته قالت له اولا تتكلم بطريقة مؤدبة ثانيا انت قولت دي لعب قديمة ووحشة زهقان منها خلاص نديها لطفل تاني محتاجها.. إياد قالها خلاص ياماما أنا آسف جدا ومش ممكن ازعلك تاني كان عندك حق. مامته قالت خلاص يااياد هجيبلك الألعاب وياريت نبطل عياط وعناد... توتة توتة فرغت الحدوتة» لسماع الحدوته يمكنك الدخول على الرابط التالى..