أحمد سعد: بحب يوم وفاتي.. ومسجل أغنية برثي نفسي فيها وهتنزل لما أموت

تحدث الفنان أحمد سعد عن يوم وفاته، مؤكدًا أنه يحب هذا اليوم بسبب تحرره من القيود، قائلا: أنا بحب يوم وفاتي وبعشقه اليوم اللي هتحرر من كل الحاجات اللي ماسكاني، وفيه أغنية أنا عاملها رثاء لنفسي عشان تنزل بعد وفاتي.

وأضاف أحمد سعد في تصريحات تليفزيونية: عايز أعيش في سلام من جوا ومن برا، وحلمت حلم وأنا عندي 25 سنة وشوفت حاجات عن نفسي غريبة جدا، فيها شخص مختلف تماما شفت أنا فين وممكن أروح فين بعد كده، وصحيت من الحلم ميت من العياط وبسبح كتير، وعندي إحساس دايما وأنا ماشي بالعربية بقعد أستغفر لكل الناس.. وأنا متدين ومتصوف بشكل معين.

أحمد سعد: كنت بحب دايما أظهر في العيلة وده مرض.. وحفظت قرآن من طفولتي

وتحدث أحمد سعد عن علاقته بعائلته، وعن طفولته، قائلًا: ابتديت أحفظ قرآن وابتهالات دينية في طفولتي وبعدين دخلت في أم كلثوم وعبد الوهاب، وكنت دايما في العيلة بحب أظهر عشان كنا 9، وحب الظهور ده نوع من أنواع الأمراض كنت بحارب طول الأسبوع عشان أبان قدامهم.

وأضاف سعد: النجاح بالنسبة لي أن كل الناس في الحياة يلاقوا عندك حاجة يحبوها ليك سواء طريقتك أو خفة دمك، والناس بتسمع أغنية إيه اليوم الحلو ده في شوارع باريس والفقراء والأغنياء وبتعمل أجواء حلوة ليهم.

إذا أعجبكِ هذا الموضوع إقرئي أيضًا : أحمد سعد وروبي في حفل جديد في الرياض