ملحن أغنية "كدابة" لحسام حبيب يرد على اتهامات اقتباسها

رد الملحن والموزع إسلام رفعت على اتهامات المنتج والموزع محمد شفيق حول اقتباس الأول مذهب أغنية "كذابة"، من أغنية قدمها مؤخرا مطرب صاعد يدعى محمود عز من إنتاج شفيق.

رد ملحن كدابة

نشر إسلام رفعت فيديوهات يثبت بها أنه هو صاحب اللحن الأصلي لأغنية "كدابة" التي قدمها حسام حبيب مؤخرًا، مشيرًا إلى أنه تم سرقة موسيقاه، وكتب عبر حسابه بموقع Facebook: "انا مكنتش هرد .. بس مضطر ارد لان اللي بيحصل دة قلة ادب و تطاول، لسه جايلي تليفون دلوقت من صديق ليا بيقول اني في حد كاتب بوست اني واخد لحن اغنية حسام حبيب من اغنية لمغني انا اعرفه معرفة شخصية و اشتغلت معاه بالفعل و علاقتي بيه أنه مغني، وأنا ملحن وموزع يعني واضح مين اللي بيسمع من التاني".

وتابع: أولا مستحيل مستحيل مستحيل انا اللي بقول انه يكون توارد افكار او خواطر او نغمات، أنا مسروق بالمللي وبالهارموني حتى، هو برافو عليه محاولة حلوة منه انه ينط علي بروباجندا حسام حبيب و يحاول نجيب سيرتة و يمكن تصيب معاه .. بس انا هخليها تصيب معاه انه يتشهر بأنه غير امين و معندوش ضمير نهائي.

تفاصيل جديدة في الأزمة

ووضح إسلام أن الموزع شفيق كاتب ان اغنيتهم نازلة يوم ١٨/١، وحسام حبيب منزل خبر اغنية #كدابة من يوم ٨/١ تقريبا ف اللي هو ازاي يعني!!! وأي حد يقدر يعمل سيرش علي جوجل ويتأكد من صحة كلامي.

واختتم كاتبا: آخر حاجه عايز اقولها اني معايا كل ما يثبت ان اللحن بتاعي من مستندات واني هتخذ كل الإجراءات القانونية مع أي حد جاب سيرتي او اتكلم عليا بشكل مسئ و حاول ينط و عايز يتشهر.

إذا أعجبكِ الموضوع اقرئي أيضًا روتانا تروج لـ أغنية كدابة أولى أغاني ألبوم حسام حبيب الجديد