الصورة من حساب شريف منير على إنستجرام
شريف منير يرد على انتقادات حلاقة ابنته شعرها أمام الجمهور
أكد الفنان شريف منير على دعمه لابنته أسما بعد الانتقادات التي تعرضت لها بعد قيامها بحلق شعرها في فيديو نشرته على السوشيال ميديا، ثم ظهورها حليقة الرأس في حفل توزيع جوائز مهرجان القاهرة للدراما مساء الخميس.
شريف منير يدافع عن ابنته
وقال شريف منير في فيديو نشره عبر حسابه الشخصي على موقع الصور والفيديوهات إنستجرام "إيه الضجة والدوشة اللي إنتو عاملينها دي، كل ده علشان بنتي قصت شعرها قدام الكاميرا، إيه الغلط اللي عملته، تصرف عادي جدا مفهوش أي حاجة".
وأضاف: "إوعوا تفتكروا إن أنا ممكن آجي على بنتي علشان خاطر أكسب رضاكم، دي بنتي اللي مليش غيرها واللي بحبها، وبالمناسبة اللوك عاجبني وأنا مبسوط منها أوي".
ووجه شريف منير رسالة لابنته في نهاية الفيديو "أسما إنت شكلك زي القمر وكان حلو جدا، وبرافو عليكي إنك أخدت التريند، متسمعيش كلام حد ومتهتميش بكلام حد، وأنا مش مهتم بالكلام اللي بيتقال عني أو عليها".
كواليس حلاقة أسما شريف منير
كانت خبيرة التجميل أسما شريف منير نشرت فيديو مثيرًا للجدل لها وهي تحلق شعرها بماكينة الحلاقة.
وعلقت أسما شريف منير على الفيديو "شعري بقاله فترة بيقع جامد، ده غير ان من كتر العمايل اتحرق و بقي مش صحي خالص، غير الغده و تأثرها عليه، قررت انفذ قرار كان بقالي كتير اوي نفسي اخده، ابداً من جديد، احرر نفسي، افتح صفحة جديدة، حقيقي هو قرار صعب جداً بس حسسني بقوة و تفاؤل".
وخلال تواجدها في حفل مهرجان القاهرة للدراما الذي أقيم مساء الخميس 24 أغسطس، أكدت أسما شريف منير محبيها عليها، مؤكدة أنها لا تمر بحالة اكتئاب وأن ما حدث كان قرارا لحظيا وانفعاليا لكنها غير نادمة عليه.
إذا أعجبكِ الموضوع اقرئي أيضًا أسما شريف منير تكشف سر حلاقة شعرها
أضف تعليقا