مفيدة شيحة توجه رسالة قوية لزوجة حسن شاكوش بعد طردها من البيت (فيديو)

علقت الإعلامية مفيدة شيحة، على أزمة مطرب المهرجانات حسن شاكوش مع زوجته، قائلة: "كنت ضدها من الأول لما سجدت في الفرح وقلت لها كلمتين بصي يا بنتي اللى أنتِ بتعمليه هيتحط لك في تقييم الأشياء بينك وبين جوزك والحركة اللي أنتِ عملتيها قللت منك وقللت من أهلك".

وتابعت شيحة خلال برنامج "الستات" المذاع على قناة "النهار": "النهارده زوجة حسن شاكوش بتتكلم على السوشيال ميديا إنه طردها من البيت وأخد شبكتها وحاليًّا بيتطلقوا".

ولفتت: "اللي حصل في أزمة زوجة شاكوش بيعلمنا درس إن احنا داخلين بداية حياة جديدة مع شخص جديد إن القصة ما انتهتش عند فرحك ولكن بدأت من الفرح، أنتِ اتجوزتِ بتحبي هذا الرجل ولكن دي بداية القصة بمعنى إنك لما تخشي لازم تحطي لنفسك قوانين وأسلوب حياة وإيه المفترض تعملوه مع بعض علشان ما ناخدش على قفانا بعد كدا واللهم لا شماتة وربنا يهدي سرهم".

وحررت زوجة المطرب حسن شاكوش، محضرًا بقسم شرطة أكتوبر لتضررها من زوجها بطردها من منزل الزوجية، وذلك بعد شهرين من الزواج، واتهمته بالاستيلاء على المنقولات الزوجية وشبكتها، وإيصال أمانة لصالحها بديل مؤخر الصداق.

إذا أعجبكِ هذا الموضوع يمكنكِ الإطلاع على بسمة وهبة تعلق على أزمة حسن شاكوش وزوجته