لو سجدت قدامه كنت هشيله الذنب.. أول رد من زوجة حسن شاكوش على انتقادات سجودها يوم الزفاف 

كشفت ريم زوجة حسن شاكوش خلال لقائها في برنامج العرافة مع الاعلامية بسمة وهبة عن سبب سجودها في حفل زفافها.
فبدأت ريم قائلة إنها تعرضت لمحن كثيرة قبل خطبتها لشاكوش.
تابعت فوجئت بأمي بتقولي إن حسن جاي يتقدملي فقررت السجود شكرا لله مرتين بعد قيام الليل وكان صعبان عليا أوي إني ملهية في موضوع الفرح ومبصليش، وكان بقالي أسبوعين قبل الفرح مش مركزة غير إني أثبت للناس إن ربنا بيعوض ومفيش حاجة اسمها تتظلمي وربنا ميديكش حقك
أوضحت ريم أنها كانت حريصه علي السجود لله ليس من أجل حسن قائلة "لو سجدت قدام حسن كنت هشيله الذنب، لكن ولا أهلي ولا أهل حسن ولا أصحابي عارفين اللي بيني وبين ربنا، وكان لازم أبين للناس إن في ربنا وتعويض مكنتش قادرة أتنفس ومش مرتاحة مش مركزة غير أعمل ده، وصاحبتي قالت لي هتتبهدلي، لكن قلت لها مش هحضر الفرح غير كده".
أكدت أنها لم تقصد الترند قائلة أنا مش واحدة جاهلة ومخي واقف عشان حسن يجي يقول لي ريم أسجدي.. كده كده الفرح هيطلع تريند ده حسن شاكوش، مكنتش محتاجة ولا في دماغي أصلا.
يذكر ان برنامج العرافة يعرض يوميًا على مدار شهر رمضان في تمام الساعة 6:15 مساء 
تدور فكرة البرنامج حول أن تحاول الإعلامية بسمة وهبه استدراج النجم لكشف أسرار حياته، ويشهد البرنامج الكثير من المفاجأت التي تدهش الضيف.