مكسيم خليل بكلمات مؤثرة في ذكرى وفاة والدته الأولى

نعى الفنان مكسيم خليل والدته الراحلة ستيلا خليل في الذكرى الأولى لوفاتها، حيث شارك صورة وهو يحتضنها، وكتب على انستقرام "سنة يا ماما، صار عمرك الجديد سنة، هاد العمر يلي ما رح يخلص، هاد العمر يلي فيه ما بيكبر، غير حبي وغير قديش اشتقتلك، هاد العمر يلي معه ما بتكتر، إلّا الصور الملونة وصور الأبيض والأسود".

وعبّر مكسيم عن كم الوجع الذي تركه رحيلها قائلا "هاد العمر يلي اتسكرت معه كل أوجاعك، وفتحلي شباك جديد من وجع وحزن، وقف عليه كل ما هبت نسمة منك بتشبه مسكة ايديكي، فيها سلام، فيها حب، فيها خوف وفيها حنية، نسمات مابتخلص من شباك ما رح يتسكر، وصدقيني كله مو مهم، المهم تكوني مرتاحة وروحك عمتلف الشام متل ما كانت دائماً تحب، شكراً ماما على كل شي".

وتفاعل عدد من النجوم مع رثائه لوالدته، أبرزهم إيميه صياح والتي كتبت له: "الله يرحمها.. نفسها بالسماء.. الله يحميلك عيلتك الحلوة يا رب"، فيما علقت صباح الجزائري: "الله يرحمها ويطول عمرك ويخليلك ولادك".