بعد أزمتها الصحية.. عمرو أديب لـ"غادة عادل": مجدي الهواري سأل عليكي.. والفنانة ترد|فيديو

كشفت الفنانة غادة عادل تفاصيلَ الوعكة الصحية التي تعرَّضت لها، قائلةً: "رجعت لي روحي من تاني.. والله العظيم".

وتابعت خلال لقائها ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "أنا دايمًا باقول لأولادي مش بحب تكون أخبارنا الخاصة على السوشيال ميديا.. بس أول إمبارح كنت في أوحش وقت، ومش حاسة بالدنيا وبرتعش والحرارة مرتفعة ومبتنزلش من 3 أيام وفيه مشكلة في الدم، فأولادي اتدمروا نفسيًّا، وجالهم إحساس أن لو الناس اللي بتحبني عرفت ودعت لي ربنا ممكن يستجيب، وفعلًا دعاء الناس اللي خففني تاني يوم علطول".

ولفتت: "الحرارة نزلت إمبارح بالليل، وبعد ما اتخانقت قرَّرت أخرج من المستشفى، وهعمل آخر تحليل بكرة، وباخد المضاد الحيوي في الوريد، وعروقي تدمرت ومبقاش عندي عروق، ولا عندي دم، وكل حتة في عروقي مبتنزلش دم".

وأوضحت: "المشكلة لما كنت في مصر جالي حرقان وانسداد في المثانة، وماهتمتش وكنت باشتغل، المشكلة ظهرت على الكلى وطلعت على الدم، وأول لما وصلت لندن بالصدفة ظهرت المشكلة ومعرفتش أمشي، وأنا بحط رجلي على الأرض، والبكتيريا كانت وصلت للدم.. بس مش لدرجة التسمم لأننا لحقناها".

وتابعت: "الحمد لله أني بقيت كويسة، وعرفت أني غالية عند ناس كتير".

وسأل عمرو أديب الفنانةَ غادة عادل، قائلًا: "مجدي الهواري سأل عليكي ولا لأ، لترد الفنانة: "يالهوي ده قلب الدنيا"، ليعقب: "والله راجل جدع ومحترم، وكلنا جنبك وألف سلامة".

وتعرَّضت النجمة غادة عادل لأزمة صحية شديدة ومفاجئة، ونقلت على أثرها إلى أحد المستشفيات الكبرى بالقاهرة لتخضع لبعض الفحوصات والتحاليل الطبية اللازمة.