الفنان احمد حداد يكشف تفاصيل الحادث: نزلت من الاتوبيس وفضلت ماشي عشان معييش فلوس المواصلات

كشف الفنان أحمد حداد تطورات حالته الصحية بعد إصابته بارتجاج في المخ إثر تعرضه لحادث سير منذ يومين وعبر حسابه على Facebook‎‏، وجه أحمد حداد في البداية الشكر لكل من اهتم بالسؤال عن حالته بعد الحادث وقال " في الأول أحب اشكر كل حد سأل عليا سواء هنا أو بالتليفون وبعتذر للي ما قدرتش ارد عليه .. بيجيلي صداع كتير ومن ضمن الاوجاع في ايدي .. لدرجة بحس التليفون تقيل عليا .. بس سؤالكم واصل والمحبة دايمة ورايح جاي". وروى بطل "أوقات فراغ" تفاصيل الحادث قائلا "الموضوع باختصار اني كنت في اخر الشهر وزي ناس كتير مفلس روحت باوتوبيس اول مرة اركبه فنزلني بعيد عن بيتي شوية بس اتقالي ان المبنى اللي جنب بيتي "ورا العمارات دي "، مضيفا "تمام مشيت لحد ما عديت لرصيف فيه عمال شغالين في موموريل وكله رتش وطوب وضلمة وكلاب بلدي أنا مش شخص بكره الحيوانات ولا بقلق منها بس الكلب ده كان شرس أو سعران .. وجري ناحيتي وكله غل جريت خبط في عربية" وأضاف حداد "النكتة إني مشيت عشان أوفر 20 جنيه تاكسي، دفعت 35 تاكسي للمستشفى، طبعا غير المصاريف هناك، بس طبعا الحياة أغلى من كل ده، وربنا ده كبير أوى".
أما عن تطورات حالته الصحية قال حداد "بصراحة لسه عندي تروما ولسه بتخيل الخضة والرعب بس بحمد ربنا إني عايش، صحيح بمشي بمشاية جدتي؛ تحريك رجلي وإيدي فيها مشكلة، غير الصداع، بس أنا عندي أمل إني أرجع زي الأول، يمكن من يومين كنت بحلم أطير، دلوقتي نفسي أمشي كويس" وناشد حداد الجمهور قائلًا "خلوا بالكم وأنتم بتعدوا الشوارع، ولو اتعرضتم للموقف ده، عادي اتعضوا بدل ما تعرضوا حياتكم للخطر".
وأحمد حداد هو أحد أبطال فيلم "أوقات فراغ" الذي أنتج عام 2006 وقام ببطولته أحمد حاتم وكريم قاسم وعمرو عابد وراندا البحيري، وانتهى دوره بعدما تصدمه سيارة ويتوفى ويكون سببا في تغيير أصدقائه.
ومؤخرا انتهى أحمد حداد من تصوير فيلمه الجديد فيلم "أما عن حالة الطقس" ويعد الفيلم التجربة الإخراجية الطويلة الأولى للمخرج أحمد حداد، الذي يخوض أيضا دور البطولة كممثل في أحدث تجاربه التمثيلية في عالم السينما بعد 15 سنة من دوره الشهير في فيلم "أوقات فراغ"، وتدور أحداثه حول مخرج شاب يعاني من اضطرابات عاطفية في نهاية الثلاثينات من عمره مع صراعه مع ماضيه ونوبات الفزع المستمرة.