تامر حسني: أمي كانت شايفاني فنان وكانت بتحدفني بأي حاجة جمبها

تحدث الفنان تامر حسني عن علاقته بوالدته وقال أنها كانت تؤمن بموهبته منذ الصغر قال تامر أثناء حواره مع الإعلامية منى الشاذلي في برنامج "معكم منى الشاذلي" لو عيشت عمري اشكرها مش هقدر اديها حقها أنا كان نفسي ابقى لاعب كورة وهي اللي كانت شايفة اني فنان وهي اهتمت بالموهبتين عندي ودايما كانت بتزقني ناحية الغنا والتمثيل"
وعن تعنيف والدته له أثناء الطفولة قال "طبعا كان في تعنيف كان في سلاح الأم تمشي بالمجنح دة محدش سلم منه وكنت في البيت حارس مرمى عليها راميه مبتجليش وكانت بتستفز لما اطير واروح ماسكه، أنا بهزر على فكرة بس هي كان ممكن ترمى أي حاجة جمبها" وتابع "بسمة بقى رشيقة بتطير هي وتنقض على البنات وانا اللي بحوش"
وعن الحفاظ على الوزن المثالي قال "في الأول كنت بروح الجيم اتمرن غلط وبشيل اوزان مش اوزاني وتابع ناصحًا الشباب "بلاش تاكلوا سكر خالص وخدوه من الفاكهة" وأضاف "أنا باكل طبق سلطة بس وبالنسبالي التزام قاسي بالرجيم" أجاب عن سؤال منى الشاذلي حول الوجبة التي يتمنى تناولها في حالة عدم اتباع نظام غذائي معين وقال "المكرونة البشاميل احيانا ببقى معزوم وبيجبولي الحاجات اللي بطلبها وبلاقي مكرونة قدامي بحس أن دموعي هتنزل وبيبقى قدامي صراع رهيب وبيبقى بيتكلم في الفيلم والإيراد وانا مش هنا".
يذكر أن تامر حسني عُرض له فيلم "مش أنا" مع حلا شيحة، ماجد الكدواني، سوسن بدر وغيرهم نخبة من النجوم.