دينا عن فيدرا: مبطقهاش شريرة وسودا وقلبت حماتي عليا

حلت الفنانة دينا مع الإعلامي عمرو الليثي في برنامج "واحد من الناس" المذاع على قناة الحياة وعندما عرضت عليها صورة فيدرا "عبرت دينا عن رأيها في الفنانة فيدرا حيث قالت أنها لا تحبها ووصفتها بأنها شريرة قائلة :"مبطقهاش أنت جايبلي صورتها علشان اقول كده، ست شريرة وسودا ومش لطيفة ؛ مفيش حاجة بينا اساسًا أنا معرفهاش بس هي شريرة، هي كانت متجوزة سامح الباجوري وهي عندها 17 سنة وانا اتجوزته بعد ما أطلقت منه بعشر سنين وقررت أنها تصاحب حماتي وتقلبها عليا" واختتمت كلامها عن فيدرا قائلة "هي ست شريرة فانا بكرهه ومش مضطرة اجامل"

كما تحدثت عن عدد من الراقصات من بينهم فيفي عبده وقالت أنها السبب في إنجابها لابنها، كذلك تحدثت عن لوسي ونجوى فؤاد بشكل جيد وغيرهن ؛ وعن تقديمها افلام سينمائية قالت أنها كانت ترغب في توثيق رقصاتها
كشفت الفنانة دينا عن محاولة انتحارها منذ سنوات وقالت أنها أقدمت على تلك الخطوة أثناء المرحلة الثانوية قائلة :"كنت صغيرة اوي كنت أول ما رقصت في ثانوية عامة كنت عيلة جدا ؛ الحاجات دي بتحصل بتبقى اتخنقت بتبقى حاسس أنك مش عايز تعيش وتعمل العملة السودا دي وبيبقى نقص ايمان وضعف ومش فاهم الدنيا كويس"
وأضافت "اتعلمت منها أن الناس بتحبني ومعملش كدة تاني وخرجت لقيت الورد مالي المستشفى لغاية البيت وقررت اعمل اللي أنا عايزاه".