الراقصة دينا بفيديو من منزلها تروي معاناتها مع فيروس كورونا وتبكي

شاركت الراقصة دينا مع جمهورها تفاصيل معاناتها من فيروس كورونا بعد شفائها منه يوم أمس، وذلك من خلال فيديو نشرته على حسابها الخاص في موقع "انستغرام".

دينا نشرت الفيديو من منزلها، وبدت بثياب النوم، وبملامح طبيعية من دون مكياج، حيث تأثّرت أثناء الحديث عن فترة مرضها، واصفة إياها بأنها من أصعب فترات حياتها

وقالت دينا: "في الحقيقة أنا وحشني كل حاجة، وحشني أمشي في الشارع، وحشني السوبر ماركت، وكل حاجة وحشتني جدًا، أنا مش من عادتي اطلع لايف كتير، ولكن لاقيت الناس عمالة تتكلم أنا روحت مستشفى ولا عملت إيه".

وتابعت دينا موضحة: "فقلت لازم أطلع للناس اللي مهتمة تعرف أخباري، أطمنهم، أني بتعافى بعد ما اكتشفت أن النتيجة كانت سلبية، وطبعًا ده فضل ربنا عليه أنى قمت بالسلامة، أدعولي أقوم بصحة أحسن، لأن الخناقة مع الفيروس ده مش تمام، وفيروس صعب وسخيف جدًا، وبتمنالكوا كل الخير ومحدش يجيله كورونا، وخلوا بالكوا من نفسكوا جداً".

كما أكدت أنها كانت تتوخى حذرها جدًا، ولكن وصفت إصابتها بأنها نصيبها وراضية فيه، وقالت: "زى ما بنرضى بالحاجات الكويسة، لابد نرضى باللى مش كويس"، وتابعت: "اتعلمت من التجربة دى إن في حاجات كتير الواخد بياخدها اه مسلم بيها، ولكنها نعم كبير، مجرد النزول والمشى في الشارع نعمة مش حاسين بيها".

واستكملت بخصوص رؤية أمها بعدما اكتشفت أن النتيجة سلبية أمس بقولها: "وأنا بشوف أمي حسيت إن في جايزة كبيرة، مش حاجة عادية، وشكرًا لكل الدعم اللي خدته، ولولا أصحابي وأهلي، ما كنىش خدت الدفعة الجامدة جدًا، اللى وصلتلها، لأن الكلام ده قومني من اللى أنا فيه، وأول حد بشكره أمي، اللى ما رضيتش تسيبني ولا تسيب البيت، وفضلت قاعدة معايا طول الوقت، أنا اللي كنت خايفة عليها وهى ما كنتش خايفة".

كما وجهت الشكر بشكل خاص إلى كل أصحابها مؤكدة أنها اختارت صح كل صديق لها، واكتشفت ذلك بمحنة الإصابة بالفيروس، وخصت الفنانة القديرة نبيلة عبيد على دعمها الكبير لها.