حمو بيكا يفتح النار على الفنان تامر عبد المنعم: دورلك علي دور تمثله | فيديو

خرج مؤدي المهرجانات، حمو بيكا، عن صمته، للرد على ندوة “قصر السينما”، التى حضرها الفنان هاني شاكر، نقيب المهن الموسيقية، والفنان تامر عبد المنعم.

وقال حمو بيكا تعليقًا على قرار منعه في بث مباشر عبر حسابه الرسمي بموقع الصور والفيديوهات “إنستجرام”، وقال: إحنا في سنة 2021 يا جماعة وده عصرنا وجيلنا إحنا، زي ما سمعناكم أنتم لازم تسمعونا، زي ما إحنا كنا جمهوركم لازم تكونوا جمهورنا.

وأضاف حمو بيكا موجهًا حديثه للفنان تامر عبد المنعم قائلًا: “أنتم ليه عايزين تحطمونا وليه شايفنا غلط، وزي ما بتقولوا البلد فيها قانون ماحدش يقدر يمنعنا من الغناء، إنتوا ليه شايفينا زبالة”.

وأضاف حمو بيكا: ليه مانغنيش في بلدنا ليه أغني بره مصر، إحنا في بلد حرية مافيهاش المنع، من ساعة ما الرئيس السيسي جه مصر، والبلد كل يوم بتتطور، ليه عايزين تخرجونا من البلد، واللي عمل غلط يحاسب عليه.

ونشر حمو ايضا تدوينة قال فيها : " رداً علي كلام المدعو تامر عبد المنعم .. الحمد لله انا مش مستني حد زيك يقولي اقري او مقراش .. انا معايا اخواتي هما عيني وضهري .. انا بقي اللي بقولك شوفلك حد ينضف قلبك من الغل والصفار والتنمر اللي فيه .. يمكن ربنا يكرمك وتلاقي اللي ييدك دور تمثله ولا حاجة .. وحسبي الله ونعم الوكيل في كل شخص معاه سلطة وبيتحكم في خلق الله احنا معانا ربنا مش سلطه وقرارت وحقي هاخده ".