بالفيديو: حمو بيكا في أول تعليق على قرار إيقافه عن الغناء: "في ناس كتير لا تصلح للغناء ومعاهم كارنيه النقابة"

في أول تعليق له على قرار نقابة الهن الموسيقية بإدراج اسمه من بين الفنانين الممنوعين من الغناء في مصر، علق مطرب المهرجانات حمو بيكا على القرار من خلال فيديو نشره على حسابه الخاص في موقع "فيس بوك".

وقد جاء قرار نقابة المهن الموسيقية بإيقاف 16 من مؤدي المهرجانات عن الغناء وسحب التصريحات منهم جميعًا للغناء داخل مصر بعد رسوبهم للمرة الثانية في اختبار لجنة الاستماع.

 

هذا القرار أثار موجة غاضبة بين هؤلاء المغنين، ومنهم بيكا الذي أكد أنه يعيش من هذه المهنة وأنه يدفع كل مستحقاته للنقابة، مستغربًا إيقافه علمًا أن صوته أفضل بكثير من بعض الفنانين على حد تعبيره. 

بيكا قال إنه يحترم قرار النقابة والنقيب الفنان هاني شاكر، متساءلًا عن كيفية منعه من الغناء في بلده في وقت تفتح البلدان له أبوابها. 

وجاء في فيديو بيكا الآتي: "أولاً أنا بشكر نقابة المهن الموسيقية في مصر لها مني كل احترامي، أنا النهاردة طالع بتكلم وأنا فرحان وسعيد، لأني بسمع قرار إيقافي بقالي خمس سنين، أنا اتعملي محاضر وقضايا كتير أوي، لما أنت توقفني أنا مش بقف لوحدي أنا معايا ناس كتير فاتحة بيوتها".

وتابع: "في ناس كتير لا تصلح للغناء ومعاهم كارنيه النقابة، وفي المجال ومش عايز أقول أسامي عشان هما صحابي وأكلنا مع بعض عيش وملح، أنا بنزل أشتغل وبدفع تمن التصريح، تصريح الساحل كان بـ15 ألف جنيه، وكنت بدفع وأقول حاضر عشان عايز أكل عيش، أي مسؤول في مصر لازم يقف معانا ويدعمنا، الشباب اللي نزل عليهم قرار الإيقاف عددهم كبير وفي ناس بتاكل من وراهم عيش".

وأضاف: "سافرنا برة مصر وبيستقبلونا وبنعمل حفلات، لكن أنا عمري ما شوفت كده، مش بعد ما نخلي 100 مليون يسمعونا نوقف، إحنا ناخد رأي الجمهور، أي مسؤول في النقابة بنحترمكم وأستاذ هاني شاكر على دماغي ليكم كل التقدير والاحترام، اتكلمنا كتير وقولنا حد يقف معانا ومحدش وقف، بس في ربنا".