احمد زاهر يدعم محمد سامي: نقطة تحول في حياتي وخلاني أخس 100 كيلو

انضم الفنان أحمد زاهر لحملة دعم المخرج محمد سامي بعد الهجوم الذي تعرض له من قبل بعض العاملين في الوسط الفني وعدد كبير من الجمهور عبر مواقع التواصل الاجتماعي بعد قرار وقف التعامل معه من قبل الشركة المتحدة للخدمات الإعلامية.

ونشر أحمد زاهرعبر حسابه الرسمي بموقع وتطبيق "فيس بوك":صورة تجمعه بمحمد سامي وعلق عليها كاتباً:"أنا مش ضد قرار المتحده لان اكيد ده له اسباب و في سبيلها للحل باذن الله انا ضد حمله التشويه البشعه لسمعه و شخص محمد سامي اللي بيقوم بيها بعض الزملاء وبعض اللجان الاليكترونية انا ضد تشويه سمعه اي حد مش بس محمد سامي".

وأضاف زاهر "الراجل ده انا اعرفه من ١١ سنه و اشتغلت معاه اكتر من خمس اعمال مشوفتش منه غير كل خير و احترام و تقدير للموهبه و بقولها و هاقولها طول عمري محمد سامي هو اللي غير حياتي بعد اراده ربنا سبحانه و تعالي ولن انسي له هذا الفضل هو اللي خلاني اخس ١٠٠ كيلو عشان تمسك بيا في مسلسل حكايه حياه و ده الدور اللي غير حياتي و تتوالي بعده كم نجاحات و كلها معاه و اخرها #فتحي في #البرنس و دي كانت نقطه تحول تانيه في حياتي".

واختتم زاهر "تفتكروا اللي شفت منه كل الخير والاحترام والتقدير والموهبه و النجاح ده كله مكنش جنبه وادعمه انا مفيش في ايدي حاجه اعملها غير اني اقول شهاده حق يعلمها الله سبحانه و تعالي وعاوز بس افكركوا ان محمد سامي هو نفس المخرج اللي سقفتوا له كل السنين اللي فاتت و من منا بلا خطيئه".