ريهام سعيد تصدم جمهورها بملامح مخيفة في أحدث ظهور لها.. ماذا حدث؟!

شاركت الفنانة والإعلامية ريهام سعيد جمهورها ومتابعيها عبر حسابها الرسمي علي إنستقرام بمقطع ظهرت من خلاله وهي تستعد للمشاركة في مسلسلها الجديد "واد الجن" الذي تشارك في بطولته، وفاجئت ريهام متابعيها بشكل مخيف أثناء وضع المكياج الخاص بها وكانت تردد أحد أغاني المهرجانات الشعبية . 

وقد تعرضت رييهام سعيد للإيقاف مؤخرا بسبب أحد حلقات برنامجها بعد عودتها من إيقاف أستمر لمدة عام وخرجت وقتها ريهام في منشور رسمي قالت خلاله "علي اد ما زعلت اني اتهاجمت و اتجرحت كتير فرحت اوي ان ناس كتير بقت رحيمه بالحيوانات حتي لو مفترسه و خطر علي البني ادم" .

وأضافت "انا بعتذر علي اي مشهد في اساءه لاي حد و خصوصا الناس المهتمه بالرفق بالحيوان . بعتذر اني تسببت في اي الم لاي حد فيكوا لكن لازم تكونوا متاكدين ان اشتغلت و اجتهدت وتعبت لمده ١٨ سنه و اكيد مش محتاجه اي شهره ولا مشاهده . الهدف الوحيد هو تقديم محتوي محترم صادق و مفيد . كنت عايزهاسلط الضوء علي مهنه الصيد الي موجوده في كل انحاء العالم بمميزاتها و عيوبها حبيت اقدم الحقيقه و ازود معلومه جديده لان هي دي نيتي بس انا مش بشتغل في مهنه الصيد و لا يمارسها لكن هي موجوده " .

وتابعت "اي اتهامات انا هارد عليها الحلقه الجايه لكن المهم دلوقتي ان محدش يزعل مني لان اكيد كل الي اتقال ده مش حقيقه . انا عايزه اعيش في سلام و كفايه مشاكل . نفسي الي بيهاجموا و عمرهم ما اتفرجوا علي البرنامج يبتدوا يتابعوا يمكن تشوفوا اد ايه بنتعب و اد ايه حريصين ان احنا نقدم احسن حاجه". 

 وأنهت منشورها قائلة "انا اسفه مره تانيه و المره الي جايه هاحط في الاعتبار ان ساعات الحقيقه ممكن تجرح بس طلب اخير لما تلاقوا غلط انصحوا و صلحوا و ماتجرحوش لان اكيد الي رحيم بالحيوان هايكون اكيد رحيم بالبني ادم الي هو ربنا حطه في اعلي مرتبه . انا انسانه و اكيد الحكم عليه انا و عيلتي بالاعدام كل شويه مش عدل خصوصا ان طول الوقت في سوء تفاهم و لكن بيكبر نتيجه المشاهده العاليه . بتعرض لهجوم و اساءه رهيبه من غير ما حد حتي يعمل اعتبار لاولادي او امي . من دلوقتي لازم نفهم اد ايه احنا بنتشاف و لازم نكون اد المسؤليه و حتي لو لينا اعداء متربصين . امشي عدل يحتار عدوك فيك . وعد مش هانغلط تاني سامحوني" .