سارة نخلة ترفع قضية خلع ضد احمد عبد الله محمود

سارة نخلة تودع 2019 بقضية جديدة ضد أحمد عبد الله محمود

أعلنت الفنانة السورية سارة نخلة أنها قررت أن تنهي هذا العام بقضية جديدة ضد الفنان أحمد عبد الله محمود، وقالت سارة نخلة في منشور رسمي لها عبر حسابها الشخصي على موقع التواصل الاجتماعي «فيسبوك»: «بما إنه كان عاماً مليئاً بجلسات لمحكمة الأسرة وغيرها من المحاكم، فحبيت ابتدي سنة جديدة بعيداً عن كل دا، وكان لازم اخلص بعد مرمطة سنة ونص... النهارده عملت قضية خلع وتنازلت عن كل حقوقي الزوجية مقابل حريتي وطلاقي؛ عشان ابقى فاضية لشغلي وحياتي».

اقرئي ايضا : احمد السقا يطارد تامر حسني في البرومو الجديد لـ«الفلوس»

سارة نخلة: مش هزعل على فلوس بعد خمس سنين زواج

وأضافت: «الله تعالى قال «تسريح بإحسان»، وأنا بقالي سنة ونص متمرمطة عشان احصل على التسريح دا، ولكن اضطريت للخلع عشان أنا خلقت حرّة، ومش ممكن حد يستعبدني أو يمرمطني، وعشان العشرة والعيش والملح، وعشان ما يتقلش عليه مخلوع بعد السنين دي كلها، كنت مأجلة الخطوة دي بس سبحانك ربي صبرت كتير بالأدب والاحترام بس خلاص... هو شخص مؤدب وعلى دماغي من فوق بس الخلع هو الحل النهائي، وفي داهية حقوقي الزوجية مهما كانت، راح من عمري خمس سنين زواج مش هزعل على فلوس بقا».

وأنهت منشورها قائلة: «ألف كلمة مخلوع ولا اسمع إن عندي جلسة جديدة واحدة في ٢٠٢٠ في محكمة الأسرة؛ خلاص فرهدت، ولو على الفلوس ربنا بيعوض».

اقرئي ايضا : بيومي فؤاد وسوسن بدر أول المتعاقدين على مسلسل خالد بن الوليد