المذيعة المصرية سالي عبد السلام تكشف اصابتها بمرض نادر

 في تغريدة لها على "تويتر"، كشفت الاعلامية المصرية سالي عبد السلام عن اصابتها بمرض نادر تقوم فيه مناعة جسدها بمهاجمة شعرها مما يتسبب في تساقطه.

وكتبت سالي :"بقالي يومين مستنية اتأكد.. ملحقتش أوقف الكورتيزون شهرين! لسه عارفة من شوية إني لازم أرجعله تاني، وجرعة أكبر من المرة اللي فاتت عشان مناعتي بتهاجم شعري تاني وعايزة توقعه وحصل زي المرة اللي فاتت أو أكتر، الحمدلله، ولازم الكورتيزون عشان يوقف نشاطها.. سبحانك ادعولى شكرا".

وكانت الاعلامية الشابة قد أعلنت مؤخرا عن اصابتها بمرض تسبب في فقدانها شعرها وأرجعت السبب إلى الحسد الذي أصابها من خلال منشور سابق لها قالت فيه :"لكل حد كتب كومنت على راسي والله ..انا بقرأ الاذكار كل يوم مبفوتش فرض وبالسنن وقيام الليل الحمد لله ..المعوذات قبل ما انزل، القرآن والبخور كل يوم كل يوم والله.. وبحلف بس والله كدة كتير عليا! انا تعبت !!"

وتابعت قائلة: عمري ما كنت بركز فى الحسد بس مؤمنة بيه..مبركّزش من كتر ما بيتقالي انتي محسودة والناس مركزة معاكي بزيادة؟!!! انا؟؟ طب ليه؟؟! ييجو يشوفوا الواقع..ولا حاجة بتكمل فى جميع النواحي الحمد لله..عمري ما زعلت على شغل راح او جوازة او عربية، او صحاب، وببقى عارفة ان ده تركيز، وناس بتتمنى زوال النعمة منّك، اعوذ بالله  واستكلمت قائلة :" كدة كتير و فوق طاقتي يا ربي ...لما الاقي غروبات كتير بتتكلم على شعري، ويا ترى ده اكستنشن ولا زفت والا، ولا كلمة ما شاء الله او اللهم بارك، كله غل او يقول ده مش شعرها، وانا اتبرع واحط صوري، وانا صغيرة عشان اقولهم دي طبيعة شعر، مش طريقة معينة للاهتمام عشان محدش يضحك عليكم، بحسن نية للي بيسأله ويحصلّي بعدها كدة.. في شعري ٣ مناطق مفيهاش شعراية!! الاقي بوست زي ده معمولي اكتر من ٢٠٠ منشن فيه، وعلى الواتس اب والماسنجر واقرب صحاب ليّا زعلانين، ويقولولي ربنا يستر عليكي بجد دول عينيهم وحشة هيحصل حاجة!!!! وانا اكبر وأضحك...لا اهه حصل!!!

وأضافت: "كدة كفاية والله..والله كفاية ! مفاضلش غير شوية الرضا، وتقبّل الدنيا اللي مخليني قادرة اكمل..ابوس ايدكم بلاش دول كمان! ده مش هزار، ممكن تأذي حد غصب عنك او نفسك، وبتحصل فعلًا لازم تقول ما شاء الله، او اللّهم بارك وصفي نيّتك! السوشيال ميديا بجد ضيعتنا كلنا!! قالك بيكتبو بوستات انجيلينا وبراد بيت مطلقوش ليه، والناس هتحسدك انتي وهمّ مجرالهمش حاجة ويهزّروا مع بعض كدة اهم اتطلقوا!!! ركز فى كل حاجة هزرت عليها !! حصلت...

لكنها لم تكشف وقتها تفاصيل المرض الذي أصابها واضطرها إلى تناول عقار الكورتيزن بكثرة مما تسبب أيضا في زيادة وزنها لكنها اضطرت مؤخرا للكشف عن طبيعة المرض بعد معاودته لها من جديد بعد شهرين فقط من توقفها عن تناول العلاج.

إقرئي أيضًا: هل عاد المرض إلى جسد شريهان ما يؤخر إنطلاق عملها الفني المنتظر؟