فيفي عبده: بشتري كفني كل سنة وهصرف آخر مليم معايا قبل رحيلي (فيديو)

قالت الفنانة فيفي عبده: "كله بيفلسع لازم أفكر في التربة أمال هافكر في الكباريه، فيه كل أسرة ناس فلسعت بعد كورونا وبيقولوا الكورونا رجعت تاني الأيام دي، أنا قعدت سنتين مشوفش حد خالص وأول خروجة خرجتها رجعت 39 درجة حرارتي".

معاناة فيفي عبده مع كورونا

وأضافت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "من ضمن الحاجات السودة اللي مريت بيها وأنا مقولتش لحد عنها، إني قعدت سنتين مشوفش حد فترة كورونا ولما خرجت من بيتنا رجعت حرارتي 39 قعدت نايمة 10 أيام لوحدي ومعزولة ولا كنت حاسة بسما ولا أرض، وقتها قلت هاروح التربة أو القبر بتاعي لإني مش عايزة أشوف حد وهربا من الكورونا، واللي ورقته تقع في الشجرا خلاص هنروح فين كلنا هنموت".

كفن فيفي عبده

وتابعت: "قلت للتربي أنا عايزة التربة بتاعتي زي الفل وأشوف أنا هنام فين وإزاي، وكفني كل سنة باشتريه "

وأكدت: "مكتبتش وصية لحد دلوقتي وسيباها على الله وأولادي عندهم قناعة، والنهاردة بتفرج على الجنازات ومستغربة على حال الناس ورأيي إن اللي يموت يصرف لاَخر مليم في جيبه المهم صحتنا إحنا اللي بنجيب الفلوس ومش هنسيب صحتنا كده".

إذا أعجبكِ هذا الموضوع إقرئي أيضًا : فيفي عبده: وفاة 2 من أشقائي خلال سنة واحدة خنجر في قلبي