مؤدي المهرجانات " أورتيجا " يدافع عن نفسه : لم نتسبب في دمار الجيل بأغانينا

تحدث مطرب المهرجانات أورتيجا، عن اتهام الجمهور وبعض صناع الوسط الفني لـ مطربي المهرجانات بـ تناولهم كلمات في أغانيهم خادشة للحياة، مؤكدًا أنه نادم على عمل غنائي واحد يحمل اسمه هاتي بوسة يا بت، والتي تشارك فيها مع أوكا وشحته كاريكا.

أورتيجا: إحنا مضيعناش الجيل

وقال أورتيجا إن هناك بعض الأشخاص طرحوا أغاني بها كلمات غير لائقة وإسفاف وخادشة للحياء، وليس أوكا وأورتيجا كما قال البعض، موضحًا: احنا مضيعناش الجيل ولا حاجة، احنا مشكلتنا أن أي حد بيغني يبقى أوكا وأورتيجا، ومكناش عارفين نفهم الناس إن فيه ناس تانية برضو بتغني مهرجانات وقتها، والجمهور كان بيقول أي حد بيغني مهرجانات في الوقت ده يبقى أوكا وأورتيجا.

وأضاف أورتيجا: الحمد لله الناس بتحبنا الكبير والصغير، ولو عايز أطلع تريند هطلع تريند بسهولة بكلمات الوحشة دي، بس لا انا بقالي 12 سنة ناجح يبقى انا ماشي صح، والمهرجانات اليومين دول في ناس أها حلوة وفي ناس مبتعجبنيش.

أورتيجا: ندمان على أغنية هاتي بوسة يا بت

وفي سياق آخر، أكد أورتيجا أنه طوال مسيرته الغنائية لم يندم على أي عمل غنائي طرحه، سوى أغنية بعنوان هاتي بوسة يا بت، قائلًا: أنا ندمان على تراك هاتي بوسة يا بت، ومكنتش أعرف أن المهرجان ده هيتشهر أوي كدا، ولما ربنا شاور علينا ونجحنا بدأنا نركز أكتر في كلام التراكات، إنما كلام المهرجانات الأيام دي عدت تراك هاتي بوسة يابت.

إذا أعجبكِ هذا الموضوع إقرئي أيضًا :  مي كساب: "أوكا" بيخليني أزعق للعيال ويفضل هو الأب الظريف