منى زكي: فيلم رحلة 404 اترفض من كل المنتجين عشان مش جماهيري

تحدثت الفنانة منى زكي عن فيلم رحلة 404، الذي يعرض حاليا في دور عرض السينمات، مؤكدة أن العديد من المنتجين رفضوا هذا الفيلم بسبب إنه غير جماهيري.

وقالت منى زكي بأحد اللقاءات التليفزيونية: هاني خليفة جابلي الورق في 2011 وكل ما نقرر نعمله المنتجين كانوا بيقولوا ده مش فيلم جماهيري، ومش هيعجب الناس، فنعمل مشاريع تانية ونرجع تاني ندور على منتجين، وتقريبا لفينا على كل المنتجين، والرد كان إنه مش هيعجب الناس، وفي الآخر محمد حفظي هو اللي تحمس للفيلم عشان يطلع.

منى زكي: مكنتش متخيلة تصنيف فيلم رحلة 404 +18

وأوضحت منى زكي: الفيلم متصنف للكبار فقط ومكنتش متخيلة إنه هيتصنف +18 يعني قولت ممكن 16+،  ومن أول يوم وأنا حباه ومش شايفة إنه فيه حاجة وحشة، بالعكس حابة الفلسفة اللي وراه، وبعد ما صورنا شوية من الفيلم بدأت أفهم إزاي الناس ممكن تطلعك على المسرح فقلقت شوية. 

وأضافت منى زكي: بس أكتر حاجة طمنتني هو وجود أستاذ هاني خليفة، وعمرك ما هيجيلك إحساس إنك تقرف من شخصية غادة، ولازم نفهم إن إحنا مش ربنا، وكل البني أدمين بتغلط وليهم أخطاء حسب نسبة الخطأ.

فيلم رحلة 404

يعرض حاليا فيلم رحلة 404 في دور عرض السينمات، بطولة الفنانة منى زكي، ويشارك في بطولته كل من الفنانة شيرين رضا، محمد فراج، محمد ممدوح، وغيرهم، والعمل من تأليف محمد رجاء، وإخراج هاني خليفة.

إذا أعجبكِ هذا الموضوع إقرئي أيضًا : محمد فراج: فخور إني جزء من "رحلة 404" وبستمتع بالشغل مع منى زكي