هنا الزاهد تتحدث لأول مرة عن طلاقها من أحمد فهمي فماذا قالت ؟

تحدثت الفنانة هنا الزاهد عن علاقتها بالفنان أحمد فهمي، معلقةَ على انفصالهما، مشيرةً إلى أن انفصالهما تم في هدوء نظرًا لوجود عشرة بينهما لمدة خمس سنوات.

كواليس انفصال هنا الزاهد وأحمد فهمي 

وقالت هنا الزاهد في تصريحات إذاعية: مش لازم كل اتنين يبقوا مع بعض ويبقى فيه مشاكل، فيه ناس مش بيتوافقوا مع بعض وبيبقى في منتهى الشياكة والاحترام وكنا أصحاب في الأول وفيه بينا عشرة 5 سنين وهو شخص محترم جدًا، ومفيش أي ضغينة.

هنا الزاهد وأحمد فهمي

وأضافت هنا الزاهد: ومش شايله هم أشوفه وشوفنا بعض في جوي اوردز وسلمنا على بعض وهو دلوقتي صديق وزميل في المهنة وده عشرة كبيرة، وأي حد بيجيب سيرة أي حد تبعه أو هو بحط إيدي في عينه.

وأردفت هنا: الحياة مش بتقف، فيه حاجات بتضطري فيها تقولي لا خلاص النصيب لحد هنا، وده مش معناه إني وحشة أو هو وحش والحياة بتكمل، في الأول الحاجة صعبة جدًا عشان فيه عشرة والحياة مكملة ولازم تقفي والحمد لله أنا تمام وهو مبسوط جدًا وإحنا أصحاب.

وتابعت هنا الزاهد: فيه ناس بتبقى متضايقة، والحياة قصيرة جدًا لازم تشوفي حياتك، ولو عايزة أي حاجة هكلمه ولو هو عايز أي حاجة هيكلمني وإحنا أصحاب في الآخر.

إذا أعجبكِ هذا الموضوع إقرئي أيضًا : بدت كالعروس .. بتاج وفستان أبيض أحدث ظهور لهنا الزاهد بعد انفصالها