آخر تطورات الأزمة بين ريهام سعيد وطبيب التجميل الشهير

في جديد الأزمة بين الاعلامية ريهام سعيد وطبيب التجميل اللبناني نادر صعب، وجهت ريهام رسالة جديدة للطبيب اللبناني الذي تسبب في تشوه ملامح وجهها حسب ادعاءاتها التي قالتها في الفيديوهات الخاصة بها والتي قامت بمشاركتها عبر صفحتها على فيسبوك.

ريهام قالت: "مساء الخير، هو أنا الحقيقة كل ما اطلع لايف أقول أنا مش هطلع تاني بس بضطر، عشان بيحصل حاجة، وواضح أن الطرف التاني مبسوط باللي بيحصل".

وأضافت ريهام : "وبطلب من كل صحابي محدش يقولي حاجة بتحصل، ومحدش يقول حاجة عليا عشان أنا عندي مصيبة أصلًا، فأنا دلوقتي مركزة في اللي أنا فيه عاوزة أتعالج وبس، مش عارفة المناقشة في إيه وبتتكلموا على إيه".

وتابعت  "يا جماعة سيبكوا من وشي خالص، أنا بس عاوزه أقول حاجة، عارفين يعني أن دكتور يكون معندوش مبادئ، أن حد يسرب صوت ليا وأنا بقولهم هعملكم دعايا، وطبعا كلنا بنعمل كدا لو دكتور عملي عملية ناجحة".

وتابعت "أصلا عندنا في مصر، التسريب الصوتي جريمة يعاقب عليها القانون، وفيهم ألفاظ، وأنا ممكن اعمل كدا عارف ليه عشان أنا ست محترمة، ريهام سعيد دي ست محترمة، أنت اللي عملته دا قلل منك أوي من على تلفونك، بدل ما ترحمها وتقولها معلش وتعالي اعالج اللي بوظته عند دكتور تاني، أنت شوهتني، انت لا تمت بصلة للطب".

الطبيب ينفي ويحذر من الاتهامات

ومن ناحية أخرى، نفى طبيب التجميل الاتهامات الموجهة له من قبل ريهام سعيد، حيث نشر مقطع فيديو يتضمن عدة صور لريهام سعيد، قبل وبعد إجراء العملية، مؤكدًا نجاح إجراء شد الوجه لها، بدون أي تشويه.

وحذّر الطبيب أيضا كل من الإعلامية والقناة التي نشرت هذا الاتهام، وأنه سيتم تسليم جميع الأدلة والإثباتات للجهات المختصة التي تنفي ادعاءات الإعلامية.

وكانت ريهام كشفت عبر إنستقرام عن صور لوجهها بعد خضوعها للعملية، وكتبت: "وصل بيك الإجرام أنك تشوهني و وتموت ستات قبلي، وتحط صوره لواحدة مختلفة وتقول أنها أنا؟ ده أنا كنت زي القمر قبل ما أجيلك.. أنا هرفع عليك قضية وهبطلك طب.. عشان أنت بتأذي ناس كتير أوي.. أنت تبعد حاجة عن أنك تكون دكتور.. أنت وقعت غلط خالص".

إذا أعجبك الموضوع اقرئي أيضًا ريهام سعيد تعلن خطوبة حورية فرغلي و نزار الفارس

وتابعت "أنا بحذر الناس كلها من التعامل معاه بجد.. بوظ لي وشي وأنا بداري بالمكياج، لا أنا هطلع لايف أوريهم أنت عملت إيه؟ ..حاطت أي صورة فيك لواحدة تانية وبتقول أنها أنا؟.. أنت معمول من إيه؟ الدكتور نادر صعب یا جماعة.. أوعوا حد يتعامل معاه.. أوعوا".