خالد الصاوي: أنا تميت 60 سنة ومش مصدق

تحدث الفنان خالد الصاوي، عن شخصيته في فيلمه الجديد ليه تعيشها لوحدك، موضحًا أن شخصيته الحقيقة تشبه شخصيته بالفيلم، مؤكدًا أن تجربة العمل كانت متعبة له.

وقال خالد الصاوي، خلال لقائه بأحد البرامج: حبيت فيلم ليه تعيشها لوحدك جدًا واعتذرت عنه، وكنت عارف إني هدخل تجربة هتتعبني والسن والعجز والمرض والمقاومة وهتفكرني بحاجات في حياتي أنا مريت بيها وتعبت فيها والحاجات دي أنا بصدقها وباخدها بجد.

خالد الصاوي يكشف عن عمره

وأوضح خالد الصاوي: أنا معنديش دلوقتي غير الفن وإني أتقن شغلي وبقى عندي خبرة، فمعنديش حاجة خالص أعملها غير إني أحاول اتقن شغلي، وأنا بشكر أسرة الفيلم وصناعه أنهم أصروا عليا، قالولي معلش اتعب ولكن هتعمل فيلم كويس وهيفضلك، وخبرتك في الحياة بتفرق في التمثيل، يعني أنا جاي أعمل مشهد مرض هفتكر فترة المرض اللي كنت فيها، عملت حاجة صح أكيد وحاجة غلط أكيد وتوبت أكيد وعلمت بلاوي أكيد، وهو ده التمثيل.

وأضاف خالد الصاوي: أنا تميت 60 سنة ومش مصدق أنا أعيل من سني، وأنا عايز اتمرت بوكسينج وحديد، أنا دلوقتي بقيت كويس والأول مكنتش كويس لأني كنت بعمل حاجات متناسبش سن الـ 60 سنة.

أبطال فيلم ليه تعيشها لوحدك

فيلم ليه تعيشها لوحدك، من تأليف أحمد عزيز وتحت قيادة المخرج حسام الجوهري، وضم الفيلم العديد من الفنانين، منهم: خالد الصاوي، خالد عليش، أمينة شلباية، سلمى أبو ضيف، فاطمة عادل، محمد رضوان، رؤى شانوحة.

إذا أعجبكِ هذا الموضوع إقرئي أيضًا : خالد الصاوي يمارس رياضة "الكيك بوكسينج" ويبهر الجمهور بأدائه