حنان تكشف كواليس ارتباطها بسامح الصريطي

كشفت المطربة حنان كواليس الفترة التي سبقت تلقيها عرض الزواج من الفنان سامح الصريطي، والتي امتدت لأربع سنوات ونصف تقريبا.

لقاء حنان وسامح الصريطي 

وصرحت حنان خلال استضافتهما في برنامج "صاحبة السعادة "أنا أعرف سامح من 4 سنين ونص تقريبا، وشوفته في ندوة مرة جنب البيت وإتكلمنا شوية، وبعدها عرفت إن ابتهال بنته وهي صديقة ابني هشام، وكانت في ذلك الوقت تعبانة نفسيا لأن والدتها كانت مريضة وفي آخر فترة مرضها، وكانت ملازمة لها طول الوقت".

وأضافت "روحت عندهم البيت وقابلت ابتهال، وكانت قعدة ظريفة واتكلمنا شوية، وبعدها كنا نكلم بعض كل شهرين مرة، أو أشوفه بالصدفة، ومكانش في بيني وبينه أي شيء غير الصداقة، لكن أنا طول عمري أحترمه كممثل وبني آدم".

وتابعت "الموضوع تطور لوحده وبسرعة، وكان دايما يدعوني لجلسات ثقافية في بيته، ودماغه أغرتني والتقينا في الأفكار والطريقة".

طلب الزواج 

وكشفت حنان كواليس أول مرة تدعو فيها سامح الصريطي للغداء في منزلها للقاء ابنها هشام قائلة "لما كنت بروح عنده كان في بيته مزرعة فيها كل حاجة إلا الحاجة اللي بحبها وهي البقدونس، ولما وصل البيت يوم الغدا لقيته جايب حزمتين بقدونس وفرحت جدا، وبعد الغدا إتكلمنا شوية وقال مش فاضل غير إننا نتجوز".

أكدت حنان أنها فوجئت بهذا الطلب لأنها كانت تظن أن سامح الصريطي مرتبط ويخفي حبيبته عن الأنظار.

إذا أعجبكِ الموضوع اقرئي أيضًا سامح الصريطي: مواصفات حنان غيرت وجهة نظري في العزوبية