محمود العسيلي يكشف عن عدد زيجاته : " كنت أبحث عن الإستقرار "

كشف المطرب محمود العسيلي، سبب زواجه ثلاث مرات حتى الآن، مؤكدًًا أنه يبحث عن الاستقرار مع رفيقته في الحياة.

وقال محمود العسيلي في تصريحات تلفزيونية، إنه لا يحب العلاقات الزوجية التقليدية، ويفضل الابتعاد والانفصال إذا كان هناك طرف في العلاقة غير سعيد فيها، موضحًا: بحاول أعيش مبسوط ومرتاح وفيه ناس بتفضل دايسة على نفسها في العلاقات الزوجية والشخصية.

حياة محمود العسيلي العائلية

وأضاف محمود العسيلي: تعلمت أهم حاجة يكون الإنسان مرتاح ومبسوط ولو ده متحققش ليه ندوس على نفسنا، أنا مش بعرف أعيش الحياة التقليدية يعنى لو مضايق بحاول أصلح العلاقة ولو إحنا الاثنين مش مبسوطين يبقى أحسن قرار منكملش والعمر قصير، وأنا حاليا متجوز والاستقرار حلو واتجوزت 3 مرات عشان عايز الاستقرار والعيلة ويكون معايا رفيقة في الحياة.

وأكمل العسيلي: فيه ناس بتفضل تمثل على بعض في الجواز وأفضل حاجة نكون على طبيعتنا ولو الدنيا مش ماشية بيكون أفضل شيء البعد، والانفصال في المرتين أنا اللي قررت البعد ولما أفقد الأمل في إصلاح العلاقة بختار الابتعاد.
 

أغنية "سمع هس" من فيلم بيت الروبي

وكان الفنان محمود العسيلي قد تحدث مؤخرًا عن تعاونه مع الفنان كريم عبد العزيز وكريم محمود عبد العزيز، في أغنية سمع هُس، وذلك خلال أحداث فيلم "بيت الروبي".

وقال محمود العسيلي خلال لقائه مع برنامج The Insider بالعربي: كريم عبد العزيز بالنسبة ليا هو حاجة كبيرة جدًا وشرف ليا أكون جزء من حاجة هو بيعملها، أنا عملتله أغنية قبل كده لمسلسله الوش التاني، كريم خطير وحاجة كبيرة بالنسبة ليا إني بعمل أغنية معاه مش بعمل أغنية لفيلمه.

وأضاف محمود العسيلي: كريم محمود عبد العزيز خطير ومكسر الدنيا عني، وعامل أغاني أنجح مننا كلنا، وهما كانوا لذاذ وعاجبني أنهم كانوا عايزين يغنوا والأغنية دمها خفيف والكواليس كانت حلوة أوي.

إذا أعجبكِ هذا الموضوع اقرئي أيضًا أهرامات الجيزة على قميص محمود العسيلي في حفل جدة