نجل شقيق أحمد البدري يكشف جحود الوسط الفني : بتصل بالفنانين لزيارة عمي ويرفضون

طالب " هاني الشيخ " ابن شقيق المخرج أحمد البدري محبيه بضرورة زيارة المخرج، بعد تعرضه لبتر في قدمه، وأصيب بعدة أزمات في الرئة وتسمم في الدم، مشيرًا إلى أنه يتواصل مع أصدقائه لزيارته في محنته، لكن لم يستجب منهم أحدًا، مؤكدًا أن البدري يحتاج للدعم النفسي والدعاء ليتغلب على أزمته الصحية المريرة.

معاناة المخرج أحمد البدري

وكتب هاني الشيخ منشورًا عبر حسابه الشخصي بـ موقع التواصل الاجتماعي، فيس بوك، جاء فيه: "كما تدين تدان، ليه الناس بقت قاسية كدة ووحشة مع بعضها، المخرج أحمد البدري كان كويس مع كل الناس وياما خرج نجوم، وطول عمره صاحب واجب مع الكل، ليه لما يبقى في أصعب أيام حياته ومحتاج الدعم حتى لو بكلمه مايلاقيش ده".

وأضاف: "زيارة المريض صدقة، إحنا بنتصل بالناس عشان يجوا يزوروه بس، ويعملوله دعم نفسي بعد بتر رجله، والحالة عمالة تتدهور، وكله قال مش فاضي، ولا واحد من زمايله وأصدقائه زاره.. معقولة يا ناس!؟، لكن طبعًا لو توفاه الله كله هيروح عامل بوست متشحتف فيه على فيس بوك ويقول صاحبي وحبيبي مش كده؟

واختتم: "الراجل رجله اتشالت، وفيروس في الدم ومشكلة في الرئة، وسكر مرتفع وتنفس صناعي، ومحدش من زمايله زاره، زورو المرضى عشان لما تمرضو تلاقو اللي يسأل عليكم، ادعوا لبعض بالشفاء عشان لما تتعبو تلاقو اللي يدعلكم". 

إذا أعجبكِ هذا الموضوع إقرئي أيضًا : المخرج أحمد البدري يدخل في غيبوبة بعد إجراء عملية بتر لقدمه