رسالة مؤثرة من رشا سامى العدل بعد رحيل شقيقها

كشفت رشا سامي العدل عبر حسابها الخاص بموقع التواصل الاجتماعي "فيسبوك" مدي صدمتها بوفاة شقيقها ووالدها أيضًا الذي رحل في السنوات الماضية.

رسالة رشا العدل

بدأت كلامها قائلة "هتوحشنا يا روحي أنا وخالد حياتنا صعبة من بعدك.. بابا الله يرحمه، وأنت دلوقتي كسرة جامدة أوي، لينا ضربتين يقطموا أي حد، لسة مش مستوعبين وصعب نستوعب، بس متغلاش على اللي خلقك".

أضافت الله يرحمك ويغفر لك، ويدخلك الفردوس الأعلى من غير حساب، ولا سابق عذاب، اللهم ثبته عند السؤال، وأكرم نزله ونور قبره إنك أنت الغفور الرحيم اللهم آمين.

يذكر أن  رشا العدل أعلنت في وقت سابق تفاصيل وفاه شقيقها قائلة "قاعدين على البحر في دهب في ساعة غروب بنضحك وبنعيط سوا ونشتكي لبعض قد إيه أبونا وحشنا وقد إيه الحياة من غيره صعبة فضفضنا لبعض ووعدنا بعض بحاجات كتير".

أضافت "رجع القاهرة على وعد بلقاء قريب نتجمع فيه تاني، وجيه اللقاء بعد مكالمة تليفون الحقي أخوكي تعبان في المستشفى جريت عليه لقيت التعب والألم زايدين على عمره عمرين مش عارف يتنفس وكلامه بصعوبة، قعدت أكلمه وأضحكه وأحاول أهون عليه شوية واسيبه يرتاح شوية".

تابعت "وفي عز محاولاتي نقله لمستشفي تانية فقد نبض قلبه لثواني قدامي اتخضيت الدكاترة طمنوني و قالوا مفيش حاجة اهو زي الفل بس قلبي وجعني و لقيتني بقول له عايزاك تسبح و تقول الشهادة معايا و تفضل تقول كل القرآن اللي انت حافظه يا دوبك لفيت ظهرى و لسة هاخرج اشوف موضوع الإسعاف و نقله لقيت دكاترة و ممرضين في كل حتة حوالين احمد بيحاولوا ينعشوه 38 دقيقة علي الساعة محاولات و انا واقفة قدامه قلبي بيتقطع و روحي انا بتطلع مني ماسكة في خيط امل من الدخان اتقطع بآخر نفس منه .... وراح أحمد، اخويا الصغير الطيب الحنين الهادي".

جنازة أحمد سامي العدل

حرص عدد من النجوم على حضور تشييع جثمان احمد سامي العدل بمسجد الفاروق بالمعادي مساء أمس منهم المخرج خالد يوسف ومجدى ابو عميرة ومريم ابو عوف وإيمان العاصي وأمير عيد وامل رزق وحسن ابو الروس وطارق النهرى.

وحضر المنتج جمال العدل ومحمد العدل جنازة ابن شقيقهم أحمد سامي العدل وحضر عمه السيناريست مدحت العدل والمخرج ماندو العدل وهنادي مهنا والمخرج عمرو سلامة.

إذا أعجبكِ هذا الموضوع يمكنكِ الإطلاع على بعد وفاته الصادمة .. ما لاتعرفه عن الفنان الشاب أحمد سامي العدل!