طارق الشناوي يقرر مقاضاة مصطفى قمر : لن أتركه إلا في السجن | فيديو

أعلن الناقد الفني طارق الشناوي، عن مقاضاته للفنان مصطفى قمر، مؤكدًا: "لازم يعاقب قانونا على حالة الانفلات اللي هو فيها ومهما كان الهزيمة اللي بيعيشها هذا لا يبرر له إنه يهاجمني".

تحرك قانوني لطارق الشناوي ضد مصطفى قمر

وأضاف خلال تصريحات لـ"إي تي بالعربي": "رد مصطفى قمر يحمل سب وقذف علني وعلشان كده هاخد إجراء قانوني ضده، نقابة الصحفيين جزء من المنظومة اللي بتحافظ على حرية التعبير، هيبقى فيه إجراء نقابي ضده وبعد كده فيه إجراءات قانونية من خلال النقابة".

وتابع: "أنا مهاجمتش مصطفى قمر، نقدت فيلم فاتشتمت فعلشان كده هاخد حقي بالقانون، وإزاي يحكم إني مشوفتش الفيلم ده خطأ عند اللي بيحكم هو معايا 24 ساعة ده من ضمن الأسلحة الفاسدة اللي مردود عليها، طيب لو قلت رأي إيجابي كان هيعجبك وتقول إني شوفت الفيلم".

رد قوي من طارق الشناوي علي مصطفى قمر

ولفت: "عمري ما التقيت مصطفى قمر خالص وعلى الإطلاق في أي مكان، ويريد أن يوحي إن ما حدث خلاف وإن ده تصفية حسابات وهذا يحاسب عليه القانون".

إساءة مصطفى قمر 

وأكمل: "ما كتبه مصطفى قمر ضدي شتيمة وتعبيرات تدينه أمام الرأي العام والقانون وأنا مش هتنازل عن حقي حتى لو اعتذر لإنه سب وقذف علني يضعه تحت طائلة القانون يؤدي إلى السجن وأنا هافضل وراء القانون ولازم يعاقب قانونا على حالة الانفلات اللي بيعيشها ومهما كان الهزيمة اللي بيعيشها لا يبرر إنه يهاجمني".
 
ولفت: "ما قلته يقع تحت سقف حرية النقد وكلمة رديء واحدة من التقييمات للأفلام".

ورد المطرب مصطفى قمر على الانتقاد الذي وجهه الناقد الفني طارق الشناوي لفيلم "أولاد حريم كريم".

وقال مصطفى قمر خلال لقاء له مع برنامج ET بالعربي: يقول عني مطرب فاشل، كيف ذلك بعد 35 سنة نجاح وألبومات، وحفلات داخل مصر وخارجها".

وأضاف: هو يقول ما يحلو له لكن لا يخطئ في حقي، وهو لم يرى الفيلم من الأساس ويقول إنه لا علاقة له بالسينما، امال علي إدريس مخرج الفيلم ده إيه، بيبيع كفتة؟

وتابع: بيقولي عليا قديم، بالذمة مين اللي قديم فينا؟، نحط صورتنا جنب بعض ونشوف مين اللي قديم؟"

إذا أعجبكِ هذا الموضوع اقرئي أيضًا مصطفى قمر يوضح سبب هجومه على طارق الشناوي : " وصفني بالفاشل" | فيديو