شيرين توضح حقيقة إجرائها لعمليات التجميل | فيديو

قالت الفنانة شيرين: "أنا ست الستات وهانم ومعتزة جدًّا بكينونتي وعمري ما دخنت سيجارة ومبحبش ريحة السجاير".

حقيقة إجراء شيرين عملية تجميل

وأضافت خلال الجزء الثاني من لقائها ببرنامج "واحد من الناس" الذي يقدمه الإعلامي عمرو الليثي بقناة "الحياة": "لما كبرتْ ما فكرتش على الإطلاق في عمل عملية تجميل لأني أنا كويسة والحمد لله وما أقدرش أشيل الزمن وأنا راضية".

وتابعت: "ما قُلتش عمري إن محمد هنيدي بيضحكني أكتر من محمد سعد، وأنا ما عنديش أصدقاء في الوسط الفني إلا قليل، وضربت الرقم القياسي في أعمال وافقت عليها وصورتها وما كملتش".

الخوف الذي يطارد شيرين

وأكدت شيرين: "أنا بخاف جدًّا من ربنا، ومش ممكن أتنازل عن كرامتي وكبريائي وأقرب شخصية هي بنتي ميريت، وخوفي من ربنا نقطة ضعفي، وأكتر صفة بكرهها في الوسط الفني هي النسيان وتجاهل من أحسن إليك ومن مد يد المساعدة لك، وأعتذر لنفسي لأني قصرت كتير في حق معاملتي مع ربنا بس أنا دلوقتي ربنا كرمني وبقيت كويسة، ولو ما كنتش ممثلة كنت أتمنى أكون حد يقدر يساعد كل الناس وأغير مفاهيم كتير منها موضوع الغارمات وأنا مش ضد الفقراء أنا فقيرة واتولدت فقيرة وكلنا فقراء بس مش كلنا مساكين والفقير هو فقير المعلومات والوعي".

وأشارت: "سميت بنتي ميريت علشان بنت الملك خوفو كانت اسمها ميريت ومعناه بالفرعونية الأميرة الجميلة وبالفرنساوي العيون الواسعة الجميلة وبنت الفنان صلاح السعدني كانت اسمها ميريت وأنا أخدت الاسم منه، وكنت صعبة شوية في تربيتها ومرة قلت لها ما تقوليش يا ماما قولي لي شيرين".

من جانبها علقت ميريت ابنة الفنانة شيرين: "ماما كانت لذيذة وصاحبتي جدًّا بس وقت الحساب مفيش هزار بنتحاسب، وكانت أقرب حد ليَّ وكنت بزعل على زعلها، وأصعب موقف مر علينا كان وفاة جدتي".

إذا أعجبكِ هذا الموضوع إقرئي أيضًا : الفنانة شيرين تكشف عن اسمها الحقيقي وأسرار حياتها الشخصية | فيديو