أمال رمزي تصرح بإجهاضها 15 مرة وبأنها غير نادمة

فجرت الفنانة آمال رمزي عدة تصريحات خلال حلولها ضيفة على برنامج "القاهرة اليوم" الذي تقدمه الإعلامية نانسي مجدي.

وقالت آمال أنها أجهضت نفسها حوالي 15 مرة، وذلك لعدم رغبتها في الإنجاب، ونفت شعورها بالندم في أي وقت من الأوقات، خاصة أنها اعتبرت أبناء أشقاءها أنهم أولادها.

وأضافت "مش عايزة أقول لإن الناس بلاقيها بتدعي عليا"، وسألتها مقدمة البرنامج هل بالفعل أجهضت نفسها 15 مرة، لتؤكد آمال الآمر، وتكشف عدم ندمها، موضحة "لا مش ندمانة بس ربنا يسامحني، ولاد أخويا اتفرغتلهم وكان صعب لأن الأم بتيجي من شغلها خمسة ونص ستة وأنا بودي من المدرسة وأجيب من المدرسة، وربنا عوض عليا بالتلاتة ولاد أخويا".

أمال رمزي تحدثت عن زيجاتها السابقين

من جانبها، كانت تحدثت أمال رمزي عن زيجاتها، فقالت: الزيجة الأولى كان عندي 17 سنة وكان بيني وبينه 12 سنة، كنت متزوجة من المخرج كمال صلاح الدين لكن وخاني مع راقصة من بتوع زمان ولاد الحلال قالولي وروحت قفشته لأنه كان بيستنها كل يوم في الكازينو، واللي بلغني ارملة بليغ حمدي وهي واختها كانوا في الوسط ومش بسامح في الخيانة.

وتابعت حديثها، قائلة: أنا اتجوزت 4 مرات والزيجة التانية كان مهندس ومقاول وقعدت معاه 20 سنة وكان كويس لدرجة انه انتجلي، وكان بيغير عليا وحبني انا وأسرتي.

وعن الأنباء المترددة بشأن زواجها مرة أخرى خلال الفترة الحالية، فقالت: :غلط طبعا ده كلام جرايد لأني أرملة بطل من أبطال الصاعقة ومستحيل اتجوز بعده، وهو حبني الحب الحقيقي كان بيشلني يطلعني الدور السادس وعمه وزير الدفاع وكلهم عيلة مرموقة.

أمال رمزي: أنا زعلت من عادل إمام لهذا السبب

وفي برنامج تليفزيوني سابق، قالت أمال رمزي: “مش بفكر في الارتباط، لأني مش هلاقي زي اللي كنت متجوزاهم، أنا اتجوزت أربعة، وأكتر واحد ريحني كان من أبطال الصاعقة وعشت في سعادة معاه 3 سنين، كأنه عايش عشان يبسطني ومكنش خاين، كان من البيت للجامع ومن الجامع للبيت”.

وأوضحت: “أنا زعلت من عادل إمام لأن كان هيعمل البيه البواب وأنا كنت هبقى مراته فهو اعتذر وأحمد زكي عمل بداله، فجه أحمد زكي قالي مينفعش تبقي مراتي لأن أنت حلوة وأنا عايز زوجة سودة زيي، أنما مش ممكن أسيبك وأروح لصفية العمري انتوا الاتنين لحم أبيض، وقالي ممكن تعملي الضيفة وأجرك يكون هو هو فقلت له أوكيه”.

يذكر أن أمال رمزي واحدة من فنانات زمن الفن الجميل، شاركت في بطولة عدد كبير من الأعمال الفنية، أمام كبار نجوم ونجمات الفن، من أشهر الأعمال التي شاركت فيها: بابا عايز كده، للرجال فقط، حواء على الطريق، البعض يذهب للمأذون مرتين، البيه البواب.

إذا أعجبكِ هذا الموضوع اقرئي أيضًا هل تذكرون "زينب" زوجة البيه البواب؟ لن تتخيلوا كيف أصبح شكلها