علاء ولي الدين من إنستجرام
تفاصيل الساعات الأخيرة في حياة علاء ولي الدين
بالرغم من وفاة النجم علاء ولي الدين منذ سنوات طويلة إلا أن الجمهور مازال يتذكره ويحرص أصدقاؤه المقربين من داخل الوسط الفني على الحديث عنه في أغلب لقائتهم الفنية، مؤكدين أن الوفاة كانت صادمة لهم.
الساعات الأخيرة في حياة علاء ولي الدين
توفي علاء ولي الدين أول أيام عيد الأضحى عام 2003، وذلك بعد صلاة العيد فقام بتوزيع الأضحية وتوفي بعد ساعات قليلة.
أعلن معتز ولي الدين شقيق الراحل عن تفاصيل اللحظات الأخيرة في حياة علاء ولي الدين خلال لقاء سابق له في إحدي البرامج التليفزيونية.
بدأ معتز كلامه قائلًا "أثناء تصوير فيلم عربي تعريفة في البرازيل كنت أكلمه يقولي أنا في الجنة يا معتز، لما كان بيصور في جزيرة هناك كان يقولي بقعد أسبح ربنا كتير".
تابع لما استقبلته في المطار كان أول حاجة يشوفها هو ابني خالد اللي كان لسه مولود، جه البيت كان فجر العيد الكبير ووقفة عرفات سلم علينا وعلى ماما واستنينا منمناش عشان نصلي العيد، وكلمني وقالي أمن على الجزار عشان يدبح على طول، قولتله علاء بقى خش أنت عشان الناس وأنا وخالد هنعمل كل حاجة قالي لا سيبني والنبي أنا عايز أوزع اللحمة بإيدي.
صدمة رحيل علاء ولي الدين
أضاف بعد كده دخل لوالدتي قالها أنا هنام شوية عقبال ما تعملي الفتة واللحمة وطلب مني أجيبله جرايد عشان كان عايز يعرف الأخبار، بعدها بربع ساعة دخلت عليه الأوضة لاقيته واقع على الأرض بصحي فيه اتخضيت قولت وقع اتخبط ولا حاجة بحاول أصحيه لاقيته متوفي عرفت على طول حاولت أتماسك عشان والدتي ونزلناه من البيت على إنه عنده غيبوبة سكر مش متوفي.
يذكر أن الفنان علاء ولي الدين من أشهر الفنانين الكوميديين في الوسط الفني ولكن لم يستطيع أن يقدم العديد من الأعمال الفنية بسبب رحيله في فترة شبابه.
وقدم علاء ولي الدين العديد من الأعمال الفنية الناجحة ومن أشهرها فيلم الناظر وعبود على الحدود.
إذا أعجبكِ الموضوع اقرئي أيضًا صورة نادرة للفنان الراحل علاء ولي الدين من زفاف محمد هنيدي
أضف تعليقا