ماندو العدل: محمد هنيدي كان مع تامر حسني في "البدلة" بدلًا من أكرم حسني

أعلن المخرج ماندو العدل خلال لقائه في "بودكاست" مع قناة "بتاع أفلام" مع أحمد كمال كواليس فيلم "البدلة".

كشف ماندو العدل عن حقيقة مشاركه محمد هنيدي في الفيلم قائلًا :  فيلم "البدلة" دا كان تامر حسني ومحمد هنيدي ومكانش أكرم حسني، دي أول مرة أقولها في حياتي، وفي السيناريو مكانوش بيتولدوا في نفس اليوم أضفناها عشان يبقى أكرم.

وعن كواليس الاتفاق مع محمد هنيدي قال "كان موافق بس حصل مشكلة مع المنتج في الاتفاق، وحتى أن محمد هنيدي قال أفكار وأخدناها واستأذنته أخدها، وأكرم حسني لما قدم الدور نجح نجاح كبير".

أوضح عن مدي فرحته بعد انتهاء الفيلم قائلًا "فيلم البدلة غريب بالنسبة ليا، نوع الفيلم الكوميدي مش ذوقي أدخله سينما واضحك لكن مش بتاعي معرفش جابوني أعمله ليه ولما تامر حسني كلمني على الفيلم قولت ليه أنا، كنت خارج من مسلسل "لأعلى سعر" مع نيللي كريم، كان عندي تشكك كبير وأنا بعمله من أول يوم لآخره أني هعرف اعمله، وعندي مشكلة أني اشتغلت مساعد مخرج في أفلام كوميدي وكنا من أول اليوم لآخر اليوم الناس في الكواليس بتضحك وينزل السينما مينجحش، وأنا بعمل الفيلم الناس بتضحك في التصوير وكنت خايف ودا كان تاني فيلم ليا".

صرح ماندو العدل عن عدم توقف عن البكاء قائلًا "خلصت الفيلم وسلمته إحنا قعدنا نصور فيه قبل العرض بـ4 أيام، ركبت العربية سافرت الساحل الشمالي ودموعي لا تتوقف وبقول أنا خلاص انتهيت مش هعرف أعمل أفلام تاني والأحسن أركز في التليفزيون، وقفلت التليفون، جيه ميعاد عرض الفيلم وكنت عاوز أعرف عمل إيه بس كنت خايف، لقيت أخويا بيكلمني بعد العرض بيوم أن الناس قالبين عليا الدنيا، ولقيت الفيلم عامل إيرادات كتيرة، أنا كان كل أملي أن تامر حسني كان عامل فيلم "تصبح على خير" عاوز أجيب نفس الإيرادات عشان ميتقالش اني قللت من نجاحه".

إذا أعجبكِ الموضوع اقرئي أيضًا محمد هنيدي يكشف موقفه من دخول ابنته مجال التمثيل