تغريد فهمي تعلن مفاجأة: زيزي مصطفى اتوفت بسبب فنانة موجودة دلوقتي

مفاجأة من العيار الثقيل كشفت عنها الفنانة تغريد فهمي عن أقرب أصدقائها من الوسط الفني، قائلة: "زيزي مصطفي ودلال عبدالعزيز كانوا قريبين مني، وزيزي الله يرحمها كانت حبيبتي اوي مكنتش بسيبها ولا بتسيبني كنا دايما مع بعض وكنا صحاب جدا لحد ما اتوفت بسبب فنانة موجودة دلوقتي".

وتحدثت عن سبب وفاة زيزي مصطفى خلال حوارها مع الإعلامية انجي هشام في برنامج "المنسي" عبر قناة "هي" قائلة "اتوفت بسبب فنانة موجودة دلوقت في الوسط، لأنها كانت متجوزة يسري مصطفى وكان تعبان جدا وكانت زيزي قاعده جنبه الفترة دي ولما شد حيله في ممثلة اتجوزها وزيزي مأعلنتش بقيت أنا اللي عارفة وهي عارفة ومحدش يعرف".

وأضافت: "الممثلة دي كنا بنشوفها وبنسلم عليها وزيزي الموضوع اثر فيها نفسيا وانهارت لما الموضوع بدأ يتعرف شوية فزعلت مع انها كانت من النوع الحمولة تتحمل أي حاجه ومتقولش ومتبكيش".

ختمت قائلة "كنت بكلمها قبلها بساعة وكانت بتقولي اعمل أي مع يسري كنت انا اتكلمت معاه الله يرحمه وندم جدا لأنها كانت متجوزاه عشان تشتغل وبقت تقولوا كلملي مخرجين ومنتجين ولما معملش ده سابته".