أمير كرارة يعترف : لست عبقريًا في التمثيل وهناك من هم أفضل مني بكثير

أعرب الفنان أمير كرارة عن سعادته الشديدة للنجاح الكبير الذي حققه في مسلسل "الاختيار1"، بعد أن جسد السيرة الذاتية لـ الشهيد أحمد المنسي، وذلك أثناء لقاءه مع الإعلمية منى الشاذلي من خلال برنامج "معكم منى الشاذلي" على قناة سي بي سي.

وقال أمير كرارة: الاختيار1 كان تجربة عظيمة، ولغاية دلوقتي المنسي معايا في حتة تانية خالص، والمنسي نفسه غير في شخصيتي وطريقتي مع الناس في الكلام، وأثر فيا بشكل غير طبيعي، وجالي تليفون في آخر حلقة اتبسط بيها وقلبي وجعني، ابن المنسي كلمني في المشهد اللي اغتال فيه، وقال لوالدته تخيلي لو عمل كده، وصل لمرحلة إن هو بيتفرج حاسس إن عامل حاجة كويسة، وكان معانا في اليوم ده اتنين من المعركة وحضروا التصوير، وكان بيقولنا عملنا إيه بالظبط، ومشهد محدش يطلع ورايا مكنش مكتوب، ولحد النهارده العساكر بتقولي يا قائد، والداخلية بتقولي باشا مصر، وكلهم حبايبنا.

وواصل أمير كرارة: النجاح الكبير في الاختيار ينسب لأحمد المنسي مش لأمير، والدور كرم وهدية من ربنا، وأنا مش عبقري تمثيل خالص في أحسن مني مليون مرة، بس هو ربنا إداني الدور ده أنا، عايز إني يحصلي كده، وكان أي حد ممثل كبير أو صغير أو لسه بيبدأ كان هيحصلوا اللي حصل لأمير كرارة.

إذا أعجبكِ هذا الموضوع إقرئي أيضًا : "دمها خفيف"..أمير كرارة عن مشاركة ياسمين صبري معه بفيلم "البعبع"