سليمان عيد يكشف سر خلافه مع أحمد السقا: مش عايز أبقى تقيل (فيديو)

كشف الفنان سليمان عيد، سر خلافه مع النجم أحمد السقا، موضحًا: "علاقتنا لم تتوتر خلال الفترة الأخيرة كما تردد وأشيع".

 
ولفت خلال لقائه ببرنامج "كلام الناس" الذي تقدمه الإعلامية ياسمين عز بقناة "إم بي سي مصر": "أحمد السقا كان بيعمل مسرحية سيدتي الجميلة، وكان معاه علاء مرسي في المسرحية وحصلت له ظروف ارتباطه بحاجة تانية في العيد اللي فات، فكلمني أيمن بهجت قمر وقال لي على الدور اللي سابه علاء مرسي ورُحت عملت الدور ومثلت معاه ومفيش أي حاجة".

وتابع: "أنا ما بحبش حد كتير في حياتي بدون سبب ومش بحب إني لم أكلم حد ما يردش عليَّ، أحمد السقا ما كانش بيرد عليَّ وأنا مش عايز أبقى تقيل على صحابي".

 وأكمل: "مفيش حاجة بيني وبين أحمد السقا وفتحت معاه ضحك وهزار وإفيهات في مسرحية سيدتي الجميلة وسِبت المسرحية لأني كنت مرتبط بأعمال تانية في السعودية، بس أنا مش بحب أبقى مزعج لأصحابي وفي العيد بكلم صحابي وفيه اللي بيرد وفيه اللي ما بيردش وما بزعلش من اللي ما بيردش أنا مش عايز حاجة من حد ولكن بتبقى حساسة بالنسبة لي لما أكون في البيت وما بشتغلش، أنا عمري ما قلت لزميل أنا عايز أشتغل لأنه لو الدور مش محتاجني يبقى خلاص".
 
وأكمل: "أحمد السقا حبيبي وعشرة عمر بس الحياة مشاغل وهو عنده عيال وحياتنا كلها شغل، وأنا عيني لما كانت تعبانة كلمته على الدكتور بتاعه ووصى عليَّ".

إذا أعجبكِ هذا الموضوع يمكنكِ الإطلاع على رد فعل كوميدي من سليمان عيد بعد مقلب رامز جلال في رامز موفي ستار