الصورة من حساب عمرو مصطفي بفيسبوك
عمرو مصطفى يسخر من أحمد سعد بعد انتقاده للذكاء الاصطناعي: متخليش حد يحركك
رد الفنان عمرو مصطفى، على تساؤلات الفنان أحمد سعد، حول مشروع إطلاق أول فنان بتقنية الذكاء الاصطناعي.
قال عمرو مصطفى، خلال لقائه ببرنامج "The Insider بالعربي" : لو هرد على أحمد سعد، بطريقة شريرة هقول له علشان أعرف ألبسه يا أحمد براحتي، عايز ألبسه كلاسيك، لكن لو هرد عليه طيب هقول له يا أحمد اللي يعجبك غنيه".
وأضاف عمرو مصطفى: "أنا من أكثر الناس اللي بتشكر في أحمد سعد، وشايف أنه أتظلم كتير، لأنه صوت كان المفروض يطلع من زمان، ولكنه عافر وغني على يوتيوب ورقص وجاهد علشان يوصل النهاردة في المكان اللي هو فيه".
استكمل عمرو مصطفى: لكن يا أحمد أول ما توصل للمكانة دي، المفروض، متخليش حد يحركك ويقولك تلبس إيه وأعمل كذا لأنك بتمثل شكلنا كلنا كعرب وبلدك مصر.
كما علق عمرو مصطفى، على إطلالة أحمد سعد بعدما أثار ظهوره بملابس غريبة، جدلًا واسعًا في إحدى حفلاته بالسعودية، حيث قال: كل بني آدم حر، بس إحنا عندنا أجيال بتمشي ورانا والموضوع مش تريند، ولادي وأولادك وأحفادك لازم يشوفوا القدوة بشكل جيد.
إذا أعجبكِ هذا الموضوع يمكنكِ الإطلاع على عمرو مصطفى يعلق بطريقته على تحذير المؤلفين والملحنين من الذكاء الاصطناعي
أضف تعليقا