خالد يوسف: "أتعرض لحملة ممنهجة وفيه ناس لا يسرها رجوعي وأفكاري" (فيديو)

رد المخرج خالد يوسف على الانتقادات التي تعرض له بسبب مسلسل "سره الباتع"، مؤكدًا أن هناك تربصًا به ويتعرض لحملة ممنهجة.

وقال خالد يوسف خلال لقائه ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "فيه ناس لا يسرها رجوعي وأفكاري وعلشان كده بيقودوا الحملة الممنهجة ضدي".

وأضاف خالد يوسف: "أنا راض جداً عن مسلسل سره الباتع، بشكل يفوق الـ99% برغم كل الانتقادات اللى أشبه بحد شاف رواية ومكتوب على ضهرها غلطة مطبعية في الملخص فساب الرواية ولا قراها ولا شافها، ولا شاف فيها إيه وبيتكلم عن الغلطة المطبعية".

وتابع: "شارك في الحملة الممنهجة ضدي عدة ناس لها مصالح علي كل المستويات، مش بحب الارتكان لنظرية المؤامرة، اللى يسيب الـ2000 نفر ويدخل زووم على واحد شكله مصري ويكبره ويقول: هو ده بقى الفرنسيين في مسلسل خالد يوسف، وعلي فكرة مفيش غلطة من اللى اتكلموا عليها في المسلسل حقيقية".

إذا أعجبكِ هذا الموضوع يمكنكِ الإطلاع على حنان مطاوع: خالد يوسف جالي البيت علشان يقنعني بالمشاركة في سره الباتع (فيديو)