زوجة أشرف مصيلحي تطلب الدعاء له عقب احتجازة بالرعاية المركزة

طالبت منال الصيفي زوجة الفنان أشرف مصيلحي من جمهوره ومتابعيه في مصر ومختلف الدول العربية للدعاء له لكي يمر من وعكته الصحية التي يمر بها واحتجازه بالرعاية المركزة.

و كتبت زوجة أشرف مصيلحي عبر حسابها الشخصي بـ فيس بوك: اشرف مصيلحي أجمل وأحن وأجدع راجل قابلته في حياتي جوزي وأبو ولادي اللي حقيقي أثبت أنه أجمل وأروع أب في الدنيا ,, ربنا يشفيك ويعافيك ويخليك ليا ولولادك ضهر وسند يا عشره العمر يا جدع عمري ما فكرت اتكلم عنك ولا اشكرك  مش عارفة ليه يمكن لاني مكنتش حاسه إنك محتاج اني أشكرك في يوم من الأيام بس حقيقي دلوقتي حابه الناس كلها تعرف إنك حقيقي راجل بمعني الكلمه وأب رائع وزوج رائع وسند وضهر لكل اللي عرفوك ربنا يبعد عنك الشر ويشفيك ويحميك يارب ويخليك لينا يارب..  يارب أنت الشافي المعافي ربنا يشفيك يارب"

وتابعت: ربنا ما يحرمنا منك ولا من لمتنا سوا.. دعواتكم له بالشفاء العاجل.

ونشر هشام سليمان رئيس شبكة قنوات Dmc، صورة للفنان أشرف مصيلحي .. وأرفقها بتعليق: "صوره النهارده هي صوره صديق اخر من اصدقائي المبدعين او صوره صديق العمر.. ايوه صديق العمر واحلي ايام حياتي اللي قضتها في افلام مصر العالمي.. صوره اشرف مصيلحي او اشروف زي ما بحب اندهه، اشرف قبل ما يكون الممثل اللي تعرفوه هو كان مسئول السينيمات في افلام مصر العالميه كان مدير سينما جلاكسي وكمان مدير للسينيمات المختلفه الخاصه بافلام مصر العالميه، لو هتكلم عن جدعنته أشرف دايما حاضر في كل مناسبه الوحشه قبل الحلوه.. بسهوله تقدر تقول عليه باختصار صاحب صاحبه".

وتابع قائلًا: الأيام دي أنا بقرا اللي بتكتبه صديقه العمر منال الصيفي عن أشرف جوزها واد ايه هي مقدراه وحطاه فوق راسها وبتدعيله بالشفا.. انا كمان يا منش بدعيله وهاما بتدعيله وكلنا هندعيله، اشروف سامحني ان كنت مقصر في حقكـ بس عايز أقولك إني بحبك اوي وبحترمك أوي وبتمنى ليك الشفا وبتمنى ليك الخير كله.

إذا أعجبكِ هذا الموضوع يمكنكِ قراءاة حقيقة تدهور الحالة الصحية للفنان اشرف مصيلحي بعد اجراء عملية بالمخ

https://www.facebook.com/photo/?fbid=10160710184044549&set=a.10154126323619549