ياسمين عز توجه رسائل نارية لمجهول هل تقصد رضوى الشربيني؟

نشرت الاعلامية ياسمين عز عبر حسابها الخاص بموقع التواصل الاجتماعي فيسبوك هجوما عنيفا على شخصية مجهولة لم تذكر اسمها ولكن توقع الجمهور أنها تقصد الإعلامية رضوى الشربيني بعد تصريحاتها الأخيرة عنها.

بدأت ياسمين عز كلامها قائلة ويحك يا دعسوقة.. كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة.

تابعت مدام بليز كرامتك وقعت منك آخر مرة هناك، ابعتي عبد مظلوم من عندك يجيبها قبل ما تسيح فالشمس، واحكيلنا بالمرة قواعد بيات المرأة الأربعين برة بيت الزوج من غير إذنه سلينا كده في الإجازة لأنك شطبتي محتوى وبقيتي مملة، حتى في تلقيحك مملة، زيرو محتوى زيرو أنوثة، بس الأمانة استرجال ليڤل الوحش، ده أنا مش بس أدوس على الفساتين الماركات ده أنا أدوس على أي حد علشان خاطر الفرعون الصغير الكبير، بعمل ده فى الحياة العادية وبقوله في العلن.

أضافت إنما بقى لما يكون في خرابة بيوت بتبوس الجزم في السر وتعمل فيلم مظلوم، وتطلع فالعلن تحكيلنا مأساة المرأة الإغريقية، كده إنتي محتاجة علاج يا مدام، روحي اتعالجي يا مدام، في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء

أنهت ياسمين عز قائلة بلاش نشغل أسطوانة المرأة الحديدية، علشان المرأة نفسها لو عرفت إنتي إيه هيجيلها صدمة دماغية حضارية، جربي حطي اسمي تاني في تلميحات أو تلقيحات، علشان هنتفرج كلنا وقتها أنا هدوس على إيه تاني غير الماركات، وهو بالمرة نحكي الحكايات، ونسلي الناس في الإجازات.

إذا أعجبكِ هذا الموضوع يمكنكِ الإطلاع على ياسمين عز تكرر ارتداء بلوزة "أستاذ محمد" في رامز نيفر إند