عمرو يوسف يكشف تفاصيل معاناة كندة علوش في ولادة ابنهما كريم (فيديو)

قال الفنان عمرو يوسف: "ابني كريم اتولد في شهر رمضان السنة اللى فاتت، وكانت حكايته حكاية وكان في الشهر السادس وكنا بنفطر عند والدتي وفجأة وجع غير طبيعي وألم عند كندة علوش، فقلنا نفطر الأول وبعدين نبقى نروح المستشفى".

وأضاف خلال لقائه ببرنامج "معكم" الذي تقدمه الإعلامية منى الشاذلي بقناة "سي بي سي": "كلمت الدكتور على حالة كندة علوش قال لي حالا على المستشفى ونزلنا قبل الفطار والطريق كان فاضي وربع ساعة كنا هناك، الدكتور قال لنا اطمنوا وبدأ يكشف وفجأة قالنا تولد حالا فيه خطر عليها وعلى الجنين، فطلعت العمليات وولدت وهي حامل في الشهر السادس وقعد شهرين في الحضانة ودي فترة كانت صعبة جدا علينا لحد لما ربنا قومه بالسلامة".

وتابع: "لما خلفت حياتي اختلفت خالص، وبقى فيه دوشة علشان بس نخرج من البيت بسبب كريم وحياة، وعلشان ناخد نفسنا من العيال قدامنا لسه شوية، بس دور الأبوة عظيم، ودلوقتي بشيل البوتي لعيالي وبغيرلهم البامبرز".

إذا أعجبكِ هذا الموضوع يمكنكِ الإطلاع على والدة عمرو يوسف تكشف عن اسم الدلع وأبرز صفات زوجته كندة علوش (فيديو)