هجوم عنيف من مي العيدان على طارق العلي لهذا السبب

شنت الإعلامية الكويتية مي العيدان هجوما على الفنان الكويتي طارق العلي بسبب تصريح للأخير بموت المسرح. وقالت العيدان عبر حسابها بتويتر: عاد أنت طارق العلي المسرح عندك مو مات بعد عبدالحسين عبدالرضا أنت المسرح عندك انتحر وقدم استقالته على كمية الاسفاف و الابتذال اللي اتقدمه حضرتك.

وأضافت: في مسرح عبدالحسين ماشفناه بحياته يطق ممثله على مؤخرتها مثل ماسويت حضرتك مع شهد سلمان بقطر والفيديو موجود والحمدالله الجمهور بالكويت صحى واستوعب الفن الهابط اللي اتقدمه وأغلبية الجمهور انصرف عن مسرحك بالكويت وأكبر دليل لما طلعت بالمارينا واعترفت أن مسرحية الطمباخيه ماحققت نجاح واليوم موقع افتتات يكشف حجوزات المسرحيات.

وتابعت: وأكبر دليل أيضا أنك قمت تعرض مسرحياتك بره الكويت وبعدين تعيدها بالكويت الله يرحم أول كنت ماتطلع من الكويت من كثر عروضك بس الناس ملت من المحتوى اللي مايتغير و الافيهات و النكت اللي صار لها ٣٥ سنة ما تغيرت و المسرحية اللي كلها صراخ الناس تبي الكوميديا الجديدة مالت الفنانين الشباب. وأكملت: عموما أنا اليوم مو فاضيتلك لأن عيد ميلادي ومشغوله لكن باذن الله بالعيد اسويلك فيديو كامل من أعمالك اللي أنت مفتخر فيها، وانتقاد عمل الشخصية العامة مباح بالدستور الكويتي ولا أقعد في البيت ولا اتقدم شيء ياحجي طارق،مختتمة رسالتها: “أول مرة أشوف ضيف يقرق أكثر من المذيع أنا على بالي المذيع اهو الضيف”.