ورد الخال تودع للموت 3 وتكشف عن بقية جملتها Bon Voyage

رسالة مطولة ومؤثرة من الممثلة ورد الخال أو (كارما) التي تعود عليها الجمهور طيلة شهر رمضان وتابعها في مسلسل للموت، حيث تمكنت ورد من أن تكون اضافة كبيرة في العمل الذي لاقى نجاحا عربيا مميزا على مدار مواسمه الثلاثة.

وفي التفاصيل، كتبت ورد عبر انستقرام "حبيت استبق الامور قبل ما يخلص للموت٣ .. وقول انو
طموحنا ما بيخلص ، وبيزيد بعد كل نجاح لأنو حلمنا للأحلى بيكبر ،، خاصةً مع اشخاص اشتغلنا معهن شهور هدفهن اضافة جمال ع هالحياة….".

تابعت "شكراً لكل شخص ورا الكاميرا ، من لحظة التحضير ، للتنفيذ، ل ما بعد التصوير .. فنيين تقنيين منفذين اداريين…شكراً استاذ جمال سنان ع ثقتك وتقديرك ، ع روحك " الفنانة" اللي قلال عندهن ياها …نادين جابر ، شكراً ع " كارما " ! خلّيتيني " عيش" قصة كنت بس عم احضرها ، واتشارك مع ابطالها لحظات ما رح انسيها… عودة ؟ ليه ما نقول كارما هي حظ حلو …! فيليب يا فيليب … البطل .. العين اللي ما بتشوف الا جمال بكل شي وبكل انسان…شكراً انك عملت من كارما حالة ..!

أضافت "جويل بيطار ، الجندية" المعروفة" بتنفيذ الشاردة والواردة ، بكل اخلاص وتفاني وحب، ماغي الساحرة ب سحَر ، الصديقة والزميلة اللدودة ! شغفك شغف كل شخص بيشبهك .. اعجابي فيكي عمرو سنين وزاد لما اشتغلنا سوا … بنافسك بعشقك للمهنة ، وبالصبر ، وبالتحدي ، ايه … واكتر … ورح نضل هيك … لأنو موهبتنا اكبر من حرطقات المهنة ..

دانييلا …عشت وشفت متل ما بيقولوا… تفانيك وجدّيتك جددولي حماسي لهالمهنة كأني بعدني مبلشة!
فعلاً ..مهيار خضور ، انت اضافة انسانية الي قبل المهنية… شو كان حلو الشغل معك… ع امل نلتقي بالمستقبل ع كل شي حلو متلك..يامن التقينا بس بمشهد … بس ما رح يُنتسى… لقاءاتنا بالكواليس كانت كلها احاديث اعمق من البحر .. بالتوفيق دايماً..الحكي عن كل ممثل ب للموت ما
بيخلص ، و الزغار والشباب اللي " اتخضرموا بهالتجربة ، منشوف حالنا فيكن ..

تحية من ورد الخال للفنانين الكبار في للموت

وقال كلمة للفيناني ن الكبار جاء فيها "الفنانين الكبار بخبرتهن دايماً منتعلّم منهن :استاذ احمد الزين استاذ كميل سلامة ،استاذ فايز قزق ،الست رندة كعدي وختام اللحام الست سحر فوزي ، وكل الزملا
بالعمل شو بدي قلكن… ابدعتوا …!واخيراً وليس آخراً ، تحية وشكر لكل صحافي واعلامي اعطى رأيو ، لكل متابع ابدى اعجابو بكلام من القلب لكل زميل هنأني، لكل صديق اتصل، لكل شخص عبّر عن تقديرو .. هيدي كلها لحظات فرح وامتنان .. محبتي للجميع و مبروك النجاح والى الامام…".
وختمت ورد رسالتها بتكملة جملتها الشهيرة التي عرفت بها بالعمل Bon Voyage لتزيد عليها vers les nuages، لتصبح “ Bon voyage “vers les nuages ما يعني بالعربية "رحلة موفقة داخل الغيوم".