تامر حبيب: الجواز مؤسسة اجتماعية فاشلة 

أعلن السيناريست تامر حبيب خلال لقائه في برنامج حبر سري مع الاعلامية اسما ابراهيم عن رأيه في المساواه بين الرجل والمراة .
أكد تامر حبيب أنه يؤمن بالمساواة بين الرجل والمرأة قائلا أنا شايف الست أهم الف مرة من الراجل لأنها هي اللي بتعمل الراجل وكلنا اللي عملتنا أمهاتنا وكل راجل طلع عامل أزاي هو صورة عن تربية أمه .
أعلن تامر حبيب عن سبب عدم زواجه قائلا "أنا شايف الجواز مؤسسة اجتماعية فاشلة ولو جه نصيبي في الجواز زي القطر هتجوز مجاش خلاص.. وعندي ناس اعرفهم عندهم موضوع المساكنة ولكن دفن الرأس بتاعتنا زي النعام مليش دعوة به".
أضاف جزء من مهنتنا نقف في وش المدفع ونتكلم على المسكوت عنه ودي نماذج في حياتنا ولو قعدت اعمل حساب للهجوم على السوشيال ميديا مش هعيش حياتي وطظ في الناس دي
رد تامر حبيب علي انتقاد الجمهور له بسبب حضوره حفل زفاف في الجونة يوم وفاة الفنان الكبير سمير غانم وتخلفه عن حضور الجنازة
قائلا الله يرحم سمير غانم لو كان العكس كان ممكن يعمل كده وكان بيموت في البهجة، وأنا كنت في فرح في الجونة وللأسف الشديد كنت هحضر الصبح الجنازة وأرجع على الفرح بالليل.
تابع فكرة أني رحت الفرح مش معناه أني متوجعتش على فراق سمير غانم وكان في علاقة بينا علاقة حب شديدة وكان صديقي ونلت شرف أني اشتغل معاه في شربات لوز، وأنا عارف أنه مش مضايق وأي حدا تاني يولع وأولاده مش زعلانين.