روجينا تروي قصة خلافها مع غادة عبد الرازق: ضربتني بالقلم بدون سبب | فيديو

قالت الفنانة روجينا: "ما كانش فيه أي خلاف ما بيني وبين غادة عبد الرازق وأنا بحبها، لكن فيه موقف غير متفق عليه خلال التصوير زعلني منها واتأثرت واتضايقت جدًّا".

موهبة غادة عبد الرازق التمثيلية

وأضافت خلال الجزء الثاني من لقائها ببرنامج "أنا والقناع" المذاع على قناة "سي بي سي": "غادة عبد الرازق بحبها وبحترمها وممثلة عظيمة وأعطتني فرصة معاها ودعمتني عند محمد سامي وقالت له ممثلة شاطرة وما حدش يعرف الدور غيرها".

وتابعت: "واحنا بنعمل مسلسل سبق الإصرار، ومشهد خلال التصوير حصل ليَّ مفاجأة عمرها ما حصلت لي في حياتي من غادة عبد الرازق، وكنت أول مرة اتضرب، لقيتها ضربتني بالقلم وما كانش متفق عليه، فأنا وافقت على إنه لم يكن علشان أعرف أكمل المسلسل وربنا صبرني بس كنت متضايقة جدًّا وبعدها لقيت اللوكيشن كله متضايق أصل احنا لو متفقين على قلم هنظبطه مع بعض بحيث أتفادى الضربة اللي كانت بجد وزعلني جدًّا".

وأكمل: "القلم اللي ضربته لي غادة عبد الرازق ما كتبش نهاية إننا نشتغل مع بعض، وبعدها اشتغلنا ضد مجهول، وكان فيه قلم أنا بضربه لها وهي بتضربه لي وهو مكتوب فكلمت المؤلف أيمن سلامة وقلت له أنا لا بحب أضرب ولا بحب أتضرب وقلت لها غادة أنا مش عايزة أضربك ولا تضربيني ومش بحب المشاهد دي".