محمد فؤاد يتسبب في انهيار بسمة وهبة في برنامج العرافة

حل الفنان محمد فؤاد ضيفا في برنامج العرافة مع الإعلامية بسمة وهبه ، وكشف العديد من الأسرار حول حياته الشخصية ومشواره الفني.
وقدم خلال الأغنية واحدة من اغانيه المعروفة وتأثرت معها بسمة وهبة بشكل ملحوظ لدرجة أنها بكت على الهواء.
نشرت بسمة مقطع عبر انستجرام تحدثت فيه حلقتها مع محمد فؤاد وقالت فيه "بص يا محمد يا فؤاد أنا بجد مش مسامحاك ومتشكرة ليك لان الأغنية بقيت اسمعها وعايزة أقول للسادة المشاهدين أن أغنية ممكن تكسر البني آدم من جوة، وتحسسه بحزن شديد، زمان الأغنية دي لما كانت بتشتغل مكنتش بحس بالضعف ده ولا بكسرة القلب ده والحزن ده لكن أنا كبرت في السن، كل ما أكبر كل ما مشاعري بتكبر".
وتابعت"بحب ولادي وواحشني، بحلم اني اشوفهم وسعيدة لما بشوفهم، مش مسامحة انك اتكيت على الحتة دي ودموعي تنزل مش هو ده الصح زعلانة منك، مدربة نفسي، الاغنية شغالة، كلمات الأغنية صعبة للي مفتقد شخص، ولادي لما بيوحشوني بروح على صورهم واشوفها عشان تصبرني وانا ولادي مش عايشين معايا من صغرهم كل واحد في بلد".

اختتمت بسمة وهبة تعليقها قائلة: "أنا لولا اني بحترم المحطة كنت سبت الحلقة بس انا كملت الحلقة، ومش مسامحاك يا محمد يا فؤاد ولا مسامحه كل واحد تآمر معاك عارف نقطه ضعفي".