ميس حمدان: خالد يوسف شتمني لما رفضت المشاهد الساخنة وزينة خطفت دوري في فيلم سيد العاطفي | فيديو

كشفت الفنانة ميس حمدان، حقيقة إجرائها عمليات تجميل، قائلة: "عملت سناني وفيلر مرتين وواحدة بوتوكس"، كما فجرت مفاجأة بشأن غضب خالد يوسف منها بسبب رفضها المشاهد الساخنة والجريئة.

وتابعت خلال الجزء الثاني من لقائها ببرنامج "في آي بي" الذي تقدمه الإعلامية أميرة بدر بقناة "هي": "أنا شايفة إن الفيلر والبوتوكس عمليات تجميل لأن الشكل بيتحول وبيتغير خالص".

وأضافت: "أنا لسه ما عملتش عمليات تجميل ومنظري مش منظر واحدة عاملة عمليات تجميل دا أنا بنقرض".

ولفتت: "اكتشفت إن الفنانة زينة أخدت الدور بتاعي في فيلم سيد العاطفي مع تامر حسني، واتقال لي إنها طلبت من محمد السبكي إنها عايزة تعمل الدور، وأنا كنت ماضية العقد والتصوير كان تاني يوم الصبح، وقتها انقهرت وبكيت لكن أنا لا أعرف زينة ومفيش علاقة ما بينا، بس اتضايقت إنها خدت دوري".

وعلقت ميس حمدان، على صورة المخرج خالد يوسف، قائلة: "هو لا معايا ولا عليَّ، بس كان فيه موقف زمان أوي ولقيته حمقي شوية في ردود أفعاله، كان عايزني في فيلم ويجا، في الدور اللي عملته دوللي شاهين، ورحت مكتبه وكان فيه هاني سلامة وقعد يقنعني بالدور بس أنا كان عندي التمسك الشديد إني مش هعمل مشاهد القبلات والمشاهد الجريئة، وقلت له: يا أستاذ خالد مش هقدر. فقال لي: أنتِ كدا مش فنانة، وبطلوا طريقة التفكير دي وأنتوا اللي بوظتوا الفن وزمان الفنانات ما كانوش بيفكروا كدا".