محمد رجب: لم أتزوج في السر ويوسف شاهين كان هيحطمني (فيديو)

قال الفنان محمد رجب: "المخرج الراحل يوسف شاهين قال لي انت مش هتنجح أوي في التمثيل، وخليك معايا مساعد مخرج".

وتابع خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "مع احترامي للمخرج يوسف شاهين لكن في وقته ممكن أكون لا أصلح للتمثيل.. كنت حابب الموضوع، ولكن أنا شخصيًّا مكنتش أعرف إذا كنت قادر وللا لأ بس وإمكانياتي مكنش تسمح لي، ولكن نصيحتي لأي حد مهما كانت هناك شخصية بتحطمك، وعندك حلم كمل لإني أنا لو كنت سمعت وصدقت ليوسف شاهين كان زماني فشلت، وبعدت لإني كنت مقرر؛ يا أمثل يا أسافر، بس قررت أكمل وراء حلمي وأشوف عيوبي إيه وأحلها".

وأكد: "انا اتجوزت مرة واحدة، ومحصلش نصيب وهي دي التجربة الوحيد ومش مخبي علي جمهوري أي جوازة في السر".

في نفس اللقاء، قال الفنان محمد رجب: "أنا لا أكره الستات ومش برفض آخد منهم أي أوردر زي ما بيتقال عني، أنا بحب الستات بداية من احترامي لأمي ومين الغبي اللي يكرههم".

وتابع: "أول تعيين ليا عرفت أني مديري واحدة ست فرفضت التعيين لأني حسيت أن مستقبلا ممكن يحصل حاجة مهينة ليا وممكن تزعقلي فأخدتها من قاصرها، وأنا شخصيتي وقتها مكنتش تقبل أني آخد أوامر من واحدة ست".