نجل محمد ثروت ينشر صورة له وهو على كرسي متحرك ويعلق بكلمات مؤثرة

كشف المخرج الشاب  أحمد ثروت نجل الفنان محمد ثروت، عن سماح الأطباء له باستقبال الزيارات بعد مرور 4 أسابيع من الحجر الصحي، ومنع الزيارة عنه للحفاظ على مناعته، مشيرا إلى أن والده كان أول زائر، حيث تناول معه وجبة الإفطار.

ونشر أحمد عبر صفحته الرسمية على "فيسبوك" صورة تجمعه مع والده بعد زيارته له، وهو يجلس على كرسي متحرك، وعلق قائلا: "بعد ٤ أسابيع حجر في المستشفى لوحدي، أخيرًا اتسمحلي بالزيارات والأستاذ جالي وفطرنا انهاردة مع بعض، ربنا يخليك ليا".

وأضاف: "وعايز أقول من غير ما أقلبها دراما، إن ربنا كارمنا بنعم بيوريهالنا في تجمعاتنا كل عيد ومناسبة أولها رمضان اللي مالوش طعم من غير لمة عيلتك وصحابك حواليك، وإنك تبقي بكامل صحتك".

واختتم أحمد منشوره: "ياريت اللي ربنا كارمه بالنعم دي أو جزء منها مع إنك ممكن تشوفها بسيطة، استمتع بيها… قدرها وحب كل تفاصيلها واحمد ربنا عشان دي حاجات ملهاش ثمن واللي بيعدي منها مابيرجعش.. ف حاول تتأمل في فضل ربنا وأشكره دايمًا علي نعمة العيلة والصحاب.. وفعلًا رمضان في مصر حاجة تانية".