بيومي فؤاد يهاجم السبكي : غدار وباعني لمحمود حميدة | فيديو

هاجم الفنان بيومي فؤاد، المنتج محمد السبكي، بسبب فيلم "مطرح ما تروح"، قائلًا:" العزيز اللي غدرته وسقوط قناعه وجعني وعمل شرخ، اللي حصل إني اديتله الفيلم، وهو بتاعي، وناس جامدين جدًّا طلبوا مني يعملوا لي الفيلم، وأنا فضلت محمد السبكي ورُحت وديتهوله، والمؤلفين اشتكوا منه بسبب الأجر، فأنا اديتلهم من معايا علشان يمضوا، فضغط عليهم ومضوا وبعد ما خلصنا كل الحاجات مضا المؤلفين التنازل وغدر بيَّ وجاب محمود حميدة يعمل الفيلم".

وتابع خلال لقائه ببرنامج "أنا والقناع" المذاع على قناة "الحياة": "الفيلم هينزل في العيد، عمري ما اشتكيت ولا تعبت، لما سمعت الخبر ضغطي علي ووصل لفوق الـ50، وكان هيحصل انفجار في عيني ورُحت للدكتور على طول قال لي لازم نفتح عمليات حالًا، ما بعتش للسبكي ولا كلمته ولا قربت له فقط قلت حسبي الله ونعم الوكيل".  

وأكمل بيومي فؤاد: "أنا كنت صديق للسبكي وحبيب الأسرة جدًّا، وأنا شايف إن أحمد السبكي من أكبر المنتجين في مصر ومفيش حد له عنده جنيه، واللي بيتفق عليه بياخده الفنان وعنده إنسانيات كتير، لكن محمد السبكي في الموقف اللي حصل معايا عكس أخوه".

وقال: "أنا اتربيت إني ما أحبش أوي علشان ما أزعلش أوي علشان ما أكرهش أوي علشان ما أعياش أوي، فأنا دايمًا بحتمل في الشخص الغدرة".

وبيومي فؤاد هو الضيف السادس مع منى عبد الوهاب خلال برنامج "أنا والقناع"، بعدما عرضت أمس حلقة شيماء سيف، وقبلها النجم شريف منير، والفنانة نيللي كريم وقبلها الفنانة يسرا وقبلها الفنانة غادة عادل، وفي انتظار إعلان عدد من الأسماء والمفاجآت التي يقدمها البرنامج خلال الأيام المقبلة.

وتحاور فيه منى عبد الوهاب في البرنامج عددًا من الفنانين، وتكشف العديد من الكواليس الخاصة بحياتهم الفنية والشخصية.

ويأتي موعد برنامج “أنا والقناع” على قناة “الحياة” في رمضان 2023، في تمام الساعة السادسة والنصف مساءً، ليُعرض بعدها على قناة cbc في تمام الساعة العاشرة مساءً.